పవన్ కళ్యాణ్ క్షమాపణలు చెప్పాల్సిందే

తెలంగాణ ప్రజలకు ఏపీ డిప్యూటీ సీఎం పవన్ కల్యాణ్‌ క్షమాపణలు చెప్పాలని కాంగ్రెస్ ఎమ్మెల్యే అనిరుధ్ రెడ్డి డిమాండ్ చేశారు . తెలంగాణ ప్రజల దిష్టి తగిలి కోనసీమ నష్టపోయిందని పవన్ చెప్పటం సరికాదన్నారు. కోనసీమకు తెలంగాణ ప్రజల దిష్టి తగిలిందంటూ పవన్ చేసిన వ్యాఖ్యలు పూర్తిగా అనుచితమని ఆయన మండిపడ్డారు . తెలంగాణ ప్రజల గురించి మాట్లాడితే ఊరుకునే ప్రసక్తే లేదన్నారు . ఒక ప్రముఖ ఛానల్ కు ఆయన శనివారం ఇచ్చిన ఇంటర్వ్యూ లో మాట్లాడుతూ , తెలంగాణ ప్రజలే చూడక పోతే మీ సినిమాలు హిట్ అయ్యావా అని ప్రశ్నించారు . మీరు బాగుండాలని తెలంగాణ ఫాన్స్ మీ సినిమాలు ప్లాప్ అయిన నైజం ఏరియాలో ఒకటికి పది సార్లు మీ సినిమాలను చూసి మీకు కలెక్షన్స్ వచ్చేలా చేశారన్నారు . పవన్‌కు నిజంగా ఆంధ్రప్రదేశ్‌పై ప్రేమ ఉంటే తెలంగాణలో ఉన్న ఆస్తులు అమ్ముకొని వెళ్లాలని, ఇక్కడ ఆస్తులు కొనడం ఏంటని ప్రశ్నించారు. చిరంజీవికి తమ్ముడు కాకపోతే పవన్ హీరో అయ్యేవారా? నటుడిగా నిలబడేవారా? అంటూ సంచలన వ్యాఖ్యలు చేశారు. పవన్ 15 ఏళ్ల తర్వాత సీఎం అవుతానని చెప్పడాన్ని ఎద్దేవా చేస్తూ, 70 ఏళ్ల వయసులో సీఎం అయితే ఏం చేస్తారని అనిరుధ్ ప్రశ్నించారు . తాము చిరంజీవి, పవన్, బాలయ్య, ప్రభాస్, మహేశ్ వంటి నటులందరినీ అభిమానిస్తామని కానీ రాజకీయ వ్యాఖ్యల విషయంలో సినీనటులు జాగ్రత్తగా ఉండాలన్నారు . 2019 ఎన్నికల్లో పవన్ ఒక్క సీటు కూడా గెలవలేదని గుర్తుచేసారు.2029 లో కూడా చంద్రబాబుతో పొత్తు వల్లే పవన్ కు పదవి దక్కిందని, పవన్ ఒంటరిగా పోటీ చేస్తే అసలు సత్తా ఏంటో తెలిసేదని వ్యాఖ్యానించారు.అసలు “మా దిష్టి తగిలితే పవన్ గెలిచేవారా?” అని మండిపడ్డారు.నెల్లూరు మనవడిగా , కడప అల్లుడిగా , తెలంగాణ బిడ్డగా నేను మిమ్మల్ని ప్రశ్నిస్తున్న అంటూ సమాధానం చెప్పాలని పవన్ కళ్యాణ్ ను డిమాండ్ చేశారు . అనిరుధ్ రెడ్డి చేసిన ఈ వ్యాఖ్యలు రాజకీయ వర్గాల్లో చర్చనీయాంశంగా మారాయి.ఈ వివాదం తో పవన్ గతంలో చేసిన “రాష్ట్ర విభజనకు గోదావరి జిల్లాల పచ్చదనం కారణమై ఉండొచ్చు” అనే వ్యాఖ్యలు మరోసారి చర్చకు వచ్చాయి.