బాహుబలి 2 రికార్డును బద్దలు కొట్టనున్న పఠాన్
అత్యధిక వసూళ్లు రాబట్టిన హిందీ చిత్రంగా పఠాన్ అవతరిస్తోంది. ఆల్ టైమ్‌లో అతిపెద్ద హిందీ చిత్రంగా రికార్డు సృష్టిస్తోంది. షారుఖ్ ఖాన్ కొత్త మూవీ విడుదల రోజు నుంచే రికార్డులు బద్దలు కొట్టనుందని, ట్రేడ్ అనలిస్ట్ తరణ్ ఆదర్శ్ అంతకు ముందే పేర్కొన్నారు. నిన్న (37వ రోజు) నాటికి ₹ 510 కోట్లకు పైగా సంపాదనతో, పఠాన్ మూవీ బాహుబలి 2 హిందీ డబ్: ది కన్‌క్లూజన్ చివరిలో కలెక్షన్లను అధిగమించింది. దీపికా పదుకొనే, జాన్ అబ్రహం కలిసి నటించిన ఈ చిత్రం జనవరి 25 న విడుదలైంది. అప్పటి నుండి బాక్సాఫీస్‌ను షేక్ చేస్తోంది.
“5వ వారంలో పఠాన్ ఘనమైన రికార్డును నమోదు చేసింది. బాహుబలి 2 హిందీని దాటడం ద్వారా ఈరోజు (ఆరో శుక్రవారం) అత్యధిక వసూళ్లు సాధించిన హిందీ చిత్రంగా అవతరించేందుకు సిద్ధమైంది. (5వ వారం) శుక్రవారం 1 కోటి, శనివారం 1.95 కోట్లు, ఆదివారం 2.45 కోట్లు, సోమవారం, 80 లక్షలు , మంగళవారం 75 లక్షలు, బుధవారం 75 లక్షలు, గురువారం 75 లక్షలు. మొత్తం: ₹ 510.65 కోట్లు. హిందీ. ఇండియా బిజినెస్” అని తరణ్ ఆదర్శ్ ట్వీట్ చేశారు.
పఠాన్ తమిళం, తెలుగు వెర్షన్లు సంపాదించిన మొత్తం ₹ 18.24 కోట్లు, ఇది మొత్తం కలెక్షన్ ₹ 528.29 కోట్లకు చేర్చింది.
ఈ రోజు చివరిలో, పఠాన్ బాలీవుడ్‌లో అత్యధికంగా సంపాదించిన మూవీగా రికార్డుల్లో ఎక్కనుంది. తర్వాత బాహుబలి: ది కన్‌క్లూజన్, KGF: చాప్టర్ 2, అమీర్ ఖాన్ దంగల్ హిందీ సినిమాలున్నాయి.
నాలుగేళ్ల తర్వాత పఠాన్ ద్వారా షారుఖ్ ఖాన్ తెరపైకి ఎంట్రీ ఇచ్చాడు. సిద్ధార్థ్ ఆనంద్ దర్శకత్వం వహించగా, యష్ రాజ్ ఫిల్మ్స్ మూవీని నిర్మించింది.