శరద్ పవార్ రాజీనామాను తిరస్కరించిన పార్టీ ముఖ్యులు

నేషనలిస్ట్ కాంగ్రెస్ పార్టీ, చీఫ్‌గా శరద్ పవార్ రాజీనామాను పార్టీ ఏకగ్రీవంగా తిరస్కరించింది. ముంబైలో పార్టీ ముఖ్యులు, భావోద్వేగ నిరసనల నేపథ్యంలో సమావేశమయ్యారు. 1999లో స్థాపించిన పార్టీ అధినేత పదవి నుంచి తప్పుకుంటానని చెప్పడంతో శరద్ పవార్‌ను కొనసాగించాలని ఎన్సీపీ ప్యానెల్ డిమాండ్ చేసింది. శరద్ పవార్ కుమార్తె సుప్రియా సూలే, మేనల్లుడు అజిత్ పవార్ ఈ సమావేశంలో పాల్గొన్నారు. సీనియర్ నాయకుడు ప్రఫుల్ పటేల్ నేతృత్వంలోని ప్యానెల్ ప్రస్తుతానికి వారసత్వ ప్రణాళికలను నిలిపివేసింది.
“ఈరోజు జరిగిన సమావేశంలో కమిటీ ఏకగ్రీవంగా తీర్మానం చేసింది. జాతీయ అధ్యక్షుడిగా శరద్ పవార్‌ను కొనసాగించాలని తీర్మానంలో పేర్కొన్నారు. అధ్యక్ష పదవి నుంచి వైదొలగాలన్న ఆయన నిర్ణయాన్ని అందరూ ఏకగ్రీవంగా వ్యతిరేకించారు” అని ప్రఫుల్ పటేల్ విలేకరులతో అన్నారు. పార్టీ అధ్యక్షుడిగా శరద్ పవార్ కొనసాగాలని మేమంతా కోరుకుంటున్నామని చెప్పారు. పవార్, లక్షలాది మంది మన మనోభావాలను గౌరవించాలి, అధ్యక్షుడిగా కొనసాగాలని వారు తేల్చి చెప్పారు.