షూటింగ్ లో గాయపడ్డ పాన్ ఇండియా నటుడు

పాన్ ఇండియా హీరో ప్రభాస్ ఓ సినిమా షూటింగ్ సందర్భంగా గాయపడ్డారు. ఓ సీన్ షూట్ చేస్తున్న సమయంలో తన చీలమండ బెణికిందని ప్రభాస్ వెల్లడించారు. తాను నటించిన కల్కి 2898 ఏడీ చిత్రం జపాన్ లో జనవరి 3న రిలీజ్ కానుందని, గాయం కారణంగా తాను ఆ సినిమా ప్రమోషన్ కార్యక్రమాల్లో పాల్గొనడంలేదని క్లారిటీ ఇచ్చారు. గాయం కారణంగా వైద్యులు విశ్రాంతి తీసుకోవాలని సూచించారని వివరించారు. ప్రమోషన్ ఈవెంట్స్ లో డిస్ట్రిబ్యూటర్ల బృందం పాల్గొంటుందని తెలిపారు. అయితే.. తమ ఆరాధ్య హీరో కోలుకోవాలని అభిమానులు కోరుకుంటున్నారు. ప్రభాస్ కు ఉన్న ఫాలోయింగ్ దృష్ట్యా ఇప్పుడీ చిత్రాన్ని జపాన్ లోనూ విడుదల చేస్తున్నారు.