పాక్ ఉగ్రదాడులు చేయిస్తోంది
పాకిస్తాన్ ప్రభుత్వమే ఉగ్ర దాడులకు తెగబడుతోందని ఖైబర్ పఖ్తుంఖ్వా ప్రావిన్స్ ముఖ్యమంత్రి సోహైల్‌ అఫ్రిది ఆరోపించారు. ఖైబర్ పఖ్తుంఖ్వా ప్రావిన్స్ లో బుధవారం మీడియా సమావేశం నిర్వహించారు. ప్రభుత్వం ఖైబర్ ప్రాంతంలో ఉద్దేశపూర్వకంగా ఉగ్రవాద సంఘటనలను సృష్టిస్తోందని ఆయన తెలిపారు. గత నెలలో ముఖ్యమంత్రిగా ప్రమాణస్వీకారం చేసిన అఫ్రిది రాజకీయ అజెండాలో భాగంగానే నకిలీ ఉగ్ర దాడులు చేస్తున్నారని ఆయన స్పష్టం చేశారు. తాజాగా ఓ కార్యక్రమానికి హాజరైన పష్తూన్‌ తహాఫుజ్‌ మూమెంట్‌ సభ్యులు అపహరణకు గురైనట్లు తెలుస్తోంది. అయితే , ఈ విషయాన్ని అఫ్రిది తీవ్రంగా ఖండించారు.
శాంతి మార్గాలను పక్కదారి పట్టించడంతో పాటు అఫ్గానిస్థాన్‌తో తమ ప్రావిన్స్‌కు మధ్య ఏర్పడిన సంబంధాలను అడ్డుకునేందుకు ఇస్లామాబాద్‌ ఉద్దేశపూర్వకంగా చేస్తున్న ప్రయత్నంగా పేర్కొన్నారు. మాజీ ప్రధాని ఇమ్రాన్‌ఖాన్‌లాగానే తాను తలవంచానన్నారు. శాంతి ప్రయత్నాలకు భంగం కలిగించేవారిని ఉమ్మడి శత్రువుగా పరిగణిస్తామని ఆయన హెచ్చరించారు. పఖ్తుంఖ్వా ప్రాంతాల్లో కొనసాగుతున్న సైనిక కార్యకలాపాలను ఆయన విమర్శించారు. సాయుధ దళాలు ఉగ్రవాద ఏరివేత పేరుతో పౌరులను లక్ష్యంగా చేసుకొని నేరాలకు పాల్పడుతున్నారని ఘాటుగా వ్యాఖ్యానించారు . ఉగ్రవాదంపై యుద్ధంగా పేర్కొంటున్నారని కానీ సొంత ప్రజలనే చంపుతున్నారని ఆయన తీవ్రస్ధాయిలో మండిపడ్డారు.
తిరా లోయలోని పాక్ వైమానిక దాడులు చేసిన ఘటనలో అనేకమంది మహిళలు చిన్నారులతో సహా 30 మంది ప్రాణాలు కోల్పోయారు. సైనిక కార్యకలాపాలను సమర్థించుకునేందుకు ఇస్లామాబాద్‌ సరిహద్దు ప్రాంతాల్లో దాడులకు పాల్పడుతుందని అఫ్రిది ఆరోపించారు.
