బిహార్ సీఎంగా నితీశ్ కుమార్ మరోసారి బాధ్యతలు

బిహార్‌లో ప్రభుత్వం ఏర్పాటు దిశగా కీలక పరిణామాలు చోటు చేసుకున్నాయి. ఎన్డీఏ సమావేశంలో సభాపక్ష నేతగా నితీశ్ కుమార్ పేరును BJP ప్రతిపాదించగా ఏకగ్రీవంగా ఆమోదం లభించింది. దీంతో నితీశ్ కుమార్ 10వ సారి బిహార్ ముఖ్యమంత్రిగా బాధ్యతలు చేపట్టనున్నారు.

రేపు ఉదయం 11.30 గంటలకు పట్నాలోని గాంధీ మైదానంలో ప్రమాణ స్వీకార కార్యక్రమం జరగనుంది. నితీశ్‌తో పాటు డిప్యూటీ సీఎంలుగా సామ్రాట్ చౌదరి, విజయ్ సిన్హా ప్రమాణం చేసే అవకాశం ఉంది. అదే విధంగా మరో 19 మంది మంత్రులు కూడా ప్రమాణస్వీకారం చేయవచ్చని సమాచారం.

ఇటీవల జరిగిన అసెంబ్లీ ఎన్నికల్లో ఎన్డీఏ మొత్తం 202 సీట్లు సాధించిన విషయం తెలిసిందే.