మరికాసేపట్లో నిర్మలా సీతారామన్ ఆరో బడ్జెట్
కేంద్ర ఆర్థిక మంత్రి నిర్మలా సీతారామన్ గురువారం ఉదయం మధ్యంతర బడ్జెట్‌ను సమర్పించేందుకు పార్లమెంటుకు వెళుతున్న సమయంలో తన డిజిటల్ టాబ్లెట్‌తో కన్పించారు. మాజీ ప్రధాని మొరార్జీ దేశాయ్ రికార్డును సమం చేస్తూ ఆమె వరుసగా ఆరో బడ్జెట్‌ను సమర్పించే ముందు తన బృందంతో కలిసి దేశ రాజధానిలోని ఆర్థిక మంత్రిత్వ శాఖ నుంచి పార్లమెంట్ కు చేరుకున్నారు. సీతారామన్ గురువారం ఉదయం 11 గంటలకు మధ్యంతర బడ్జెట్‌ను ప్రవేశపెట్టనున్నారు. పూర్తి బడ్జెట్‌ను కొత్తగా ఎన్నికైన ప్రభుత్వం జూలైలో సమర్పించే అవకాశం ఉంది. మధ్యంతర బడ్జెట్‌గా ఉన్నందున, పెద్ద విధాన మార్పులు లేదా పెద్ద ప్రకటనలు చేయకపోవచ్చు, కానీ అంచనాలు ఇంకా ఎక్కువగానే ఉన్నాయి. ఆదాయపు పన్ను స్లాబ్‌లలో మార్పు, సెక్షన్‌లు 80C మరియు 80D కింద అధిక ప్రామాణిక తగ్గింపు పరిమితి మినహాయింపుల కోసం ఉద్యోగులు ఎదురు చూస్తున్నారు. సూక్ష్మ, చిన్న, మధ్య తరహా పరిశ్రమల (MSMEలు) కోసం, ప్రధాన మంత్రి నరేంద్ర మోడీ నేతృత్వంలోని ప్రభుత్వం నియంత్రణ విధానాలను సులభతరం చేయడానికి, సమ్మతి భారాలను తగ్గించడానికి, రుణాలు తీసుకునేందుకు వెసులుబాటు కల్పించేలా చర్యలు ఉంటాయన్న అంచనాలు మార్కెట్ వర్గాల్లో ఉన్నాయి.