సౌదీ లో ప్రమాదం ఎక్కువ మంది తెలంగాణ వాసులే

హైదరాబాద్‌: సౌదీ అరేబియాలో భయంకర రోడ్డు ప్రమాదం చోటుచేసుకుంది. ఉమ్రా యాత్ర పూర్తి చేసుకుని మక్కా నుండి మదీనా వెళ్లుతున్న భారతీయులతో కూడిన బస్సు, డీజిల్ ట్యాంకర్‌ను ఢీకొనడంతో బస్సు పూర్తిగా మంటల్లో చిక్కుకుంది. ఈ ఘటనలో 42 మంది సజీవదహనమై మరణించినట్లు అక్కడి ఇంగ్లిష్ మీడియా కథనాలు తెలిపాయి.

ప్రమాదం సోమవారం తెల్లవారుజామున 1.30 గంటల సమయంలో బదర్–మదీనా మధ్య ముఫరహత్ ప్రాంతంలో జరిగింది. బస్సులో ప్రయాణిస్తున్న వారిలో 20 మంది మహిళలు, 11 మంది చిన్నారులు ఉన్నట్లు సమాచారం. మృతుల్లో ఎక్కువ మంది హైదరాబాద్‌కు చెందినవారిగా తెలుస్తోంది.

స్థానిక మీడియా ప్రకారం 42 మంది మరణించినట్లు తెలుస్తుంది, మరణించిన వాళ్లలో ఎక్కువ శాతం హైదరాబాద్ వాళ్ళే ఎక్కువ ఉన్నట్లు తెలుస్తుంది. పూర్తి వివరాలు ఇంకా తెలియాల్సి ఉంది.