‘వేదా’ మూవీలో ‘మమ్మీ జీ’ సాంగ్ రిలీజ్

బాలీవుడ్ యాక్షన్ హీరో జాన్ అబ్రహాం నటించిన తాజా చిత్రం వేదా కేవలం నార్త్‌లోనే కాకుండా పాన్ ఇండియా స్థాయిలో భారీ రిలీజ్‌కి రెడీ.. ఈ సినిమాను దర్శకుడు నిఖిల్ అద్వానీ డైరెక్ట్ చేయగా, పూర్తి యాక్షన్ ఎంటర్‌టైనర్‌గా ఈ మూవీ రానుంది. ఇటీవల ఈ మూవీ ట్రైలర్ రిలీజ్ కాగా, దానికి మంచి రెస్పాన్స్ వచ్చింది. యాక్షన్‌కు కొదవ లేకుండా ఈ సినిమా వస్తుండటంతో వేదా ప్రేక్షకులను ఖచ్చితంగా ఆకట్టుకుంటుందని అభిమానులు ధీమాతో ఉన్నారు. ఇక ఈ సినిమాను తెలుగులోనూ రిలీజ్ చేస్తుండగా, తాజాగా ఈ మూవీలో నుంచి ‘మమ్మీ జీ’ అనే సాంగ్‌ని మేకర్స్ రిలీజ్ చేశారు. అందాల భామ మౌనీ రాయ్ ఈ పాటలో అద్భుతంగా డ్యాన్స్ చేస్తూ కుర్రకారుని పిచ్చెక్కించింది. ఈ సినిమాకు మనన్ భరద్వాజ్ సంగీతం అందిస్తున్నారు. ఇక ‘వేదా’ సినిమాలో మిల్కీ బ్యూటీ తమన్నా, శార్వరి వాఘ్ హీరోయిన్లుగా నటిస్తున్నారు. ఈ సినిమాను ఆగస్టు 15న ప్రపంచ వ్యాప్తంగా గ్రాండ్ రిలీజ్ చేసేందుకు మేకర్స్ రెడీ అయ్యారు.