బీఆర్ఎస్ అంటే బకాయిల రాష్ట్ర సమితి

బీఆర్ఎస్ అంటే బకాయిల రాష్ట్ర సమితి అని మంత్రి సీతక్క ఫైరయ్యారు. గత బీఆర్ఎస్ ప్రభుత్వం మాజీ సర్పంచ్ ల పెండింగ్ బిల్లులు తమకు వారసత్వంగా మంత్రి సీతక్క ఆరోపించారు. ఆ రోజు ఆర్థిక మంత్రిగా ఉన్న హరీశ్ రావు ఒక్క సంతకం పెట్టుంటే అన్ని బిల్లులు క్లియర్ అయ్యేదన్నారు. ఇవాళ అసెంబ్లీ సమా వేశాల్లో హరీశ్ రావు అడిగిన ప్రశ్నలకు ఆమె సమాధానమిచ్చారు. తాము అధికారంలోకి వచ్చిన తర్వాత సర్పంచ్ ల పదవీకాలం అయిందని, దీని వల్ల గ్రామాల్లో కొన్ని సమస్యలు ఉన్నాయనేది వాస్తవమన్నారు. తాము అధికారంలోకి వచ్చిన తర్వాత గ్రామ పంచాయతీలకు కోసం రూ.740 కోట్లు, ఉపాధి హామీ కింద రూ.450 కోట్లు విడుదల చేసినట్లు తెలిపారు. బీఆర్ఎస్ హయంలోని పెండింగ్ నిధులు దాదాపు పూర్తి చేశామన్నారు.