మనోజ్ ‘మిరాయ్’పై తాజా కబుర్లు

దర్శకుడు కార్తీక్ ఘట్టమనేని తెరకెక్కిస్తున్న “మిరాయ్” సినిమాలో రాకింగ్ స్టార్ మంచు మనోజ్ నటిస్తున్న సంగతి తెలిసిందే. ఐతే, మనోజ్ పాత్రపై అనేక ఇంట్రెస్టింగ్ రూమర్స్ వినిపిస్తూనే ఉన్నాయి. తాజాగా మరో గాసిప్ వినిపిస్తోంది. ఈ సినిమాలో మనోజ్ పాత్ర చాలా వైల్డ్‌గా ఉంటుందని.. పైగా స్క్రీన్ ప్లే మొత్తం ఈ క్యారెక్టర్ చుట్టే తిరుగుతుందని.. అందుకే మనోజ్ పాత్ర ఆధారంగా మిరాయ్ సీక్వెల్ కూడా ఉండే అవకాశం ఉందని తెలుస్తోంది.

కాగా ఆ మధ్య మనోజ్ పుట్టినరోజు సందర్భంగా ఈ సినిమా నుంచి ఓ గ్లింప్స్ వీడియో రిలీజ్ చేసిన సంగతి తెలిసిందే. ఆ గ్లింప్స్‌లో సాలిడ్ యాక్షన్ లుక్‌లో.. కత్తి పట్టుకొని “ది బ్లాక్ స్వార్డ్”గా మనోజ్ హైలైట్ అయ్యాడు. మొత్తానికి ఆ గ్లింప్స్ చాలా బాగా ఆకట్టుకుంటోంది. అందుకే, మనోజ్ కూడా ఈ సినిమాపై భారీగా అంచనాలు పెట్టుకున్నాడు. అన్నట్టు ఈ చిత్రానికి గౌర హరీష్‌ సంగీతం అందిస్తుండగా పీపుల్ మీడియా ఫ్యాక్టరీ వారు నిర్మిస్తున్నారు. తేజ సజ్జ “హనుమాన్” తర్వాత చేస్తున్న క్రేజీ ప్రాజెక్ట్ కూడా ఈ సినిమానే.