BusinessHome Page SliderNewsTelanganatelangana,

కోకాపేటలో కోట్లలో భూముల ధరలు

హైదరాబాద్‌: రంగారెడ్డి జిల్లా గండిపేట్ మండలంలో ఉన్న కోకాపేట భూముల ధరలు మరోసారి ఆకాశాన్ని అంటుతున్నాయి. కో అంటే నిజంగానే “కోట్లు” పలుకుతున్నాయని తాజా ఈ-వేలం నిరూపించింది.
హైదరాబాద్ మహానగరాభివృద్ధి సంస్థ ఆధ్వర్యంలో శుక్రవారం కోకాపేట నియోపోలిస్ లేఅవుట్‌లో నిర్వహించిన ఈ-వేలంలో రికార్డు స్థాయిలో బిడ్డింగ్ జరిగింది. ముఖ్యంగా ప్లాట్ నంబర్లు 15, 16కు భారీ పోటీ నెలకొంది. మొత్తం 9.06 ఎకరాల ఈ భూమి ఎకరానికి రూ.151.25 కోట్ల చొప్పున లభించి, ఒక్క లాట్ నుంచే ప్రభుత్వం రూ.1,353 కోట్లు ఆదాయం సాధించింది.
నగర విస్తరణ, ఐటీ కారిడార్‌కు సమీపం, మౌలిక వసతుల విస్తరణ—ఈ ప్రాంత భూముల విలువను నిరంతరం పెంచుతున్న అంశాలుగా అధికారులు చెబుతున్నారు. కోకాపేట నియోపోలిస్ ఇప్పటికే హైదరాబాద్‌లో అత్యంత ప్రీమియం రియల్ ఎస్టేట్ జోన్‌గా నిలిచిన నేపథ్యంలో, ఈ వేలం కొత్త బెంచ్‌మార్క్‌గా మారింది.
రాబోయే నెలల్లో జరిగే మరో విడత వేలాల్లో కూడా ఇదే ధోరణి కొనసాగుతుందని హెచ్‌ఎండీఏ వర్గాలు అంచనా వేస్తున్నాయి.