కర్నాటక ముస్లిం కోటా: రాజకీయ వ్యాఖ్యల సుప్రీంకోర్టు అసహనం

కర్నాటకలో ముస్లింలకు నాలుగు శాతం రిజర్వేషన్ల ఉపసంహరణకు సంబంధించిన కేసుపై విచారణ జరుగుతున్న సమయంలో రాజకీయ ప్రకటనలను సుప్రీంకోర్టు తీవ్రంగా పరిగణించింది. కోర్టు విచారణలో ఉన్నప్పుడు ఆ విషయాలపై మాట్లాడేటప్పుడు కోర్టు పవిత్రతను కాపాడుకోవాల్సిన అవసరం ఉందని సుప్రీం కోర్టు స్పష్టం చేసింది. రాష్ట్రంలోని ముస్లింలకు OBC కేటగిరీలో దశాబ్దాలుగా ఉన్న నాలుగు శాతం రిజర్వేషన్‌లను రద్దు చేస్తూ కర్ణాటక ప్రభుత్వం తీసుకున్న నిర్ణయానికి వ్యతిరేకంగా దాఖలైన పిటిషన్‌లను సుప్రీంకోర్టు జూలైకి వాయిదా వేసింది. సబ్ జ్యూడీస్ విషయాలపై బహిరంగ ప్రకటనలు చేయరాదని, వాటికి రాజకీయాలతో ముడిపెట్టవద్దని కోర్టు పేర్కొంది.

మే 10న కర్ణాటక ఎన్నికలు జరగనున్న నేపథ్యంలో ఈ అంశంపై హోంమంత్రి అమిత్ షా ఇటీవల చేసిన ప్రకటనపై పిటిషనర్లు ఫిర్యాదు చేశారు. పిటిషనర్ల తరఫు సీనియర్ న్యాయవాది దుష్యంత్ దవే మాట్లాడుతూ.. ముస్లింలకు తమ పార్టీ కోటాను ఉపసంహరించుకున్నట్లు షా గర్వంగా చెబుతున్నారని కోర్టు దృష్టికి తీసుకొచ్చారు. సబ్ జ్యూడీస్‌లో ఉన్నపుడు ఎవరైనా ఇలాంటి ప్రకటనలు ఎందుకు చేస్తారని జస్టిస్ బీవీ నాగరత్న ప్రశ్నించారు. ఐతే, ప్రభుత్వం తరపున హాజరైన సొలిసిటర్ జనరల్ తుషార్ మెహతా, షా చేసిన వ్యాఖ్యలకు సంబంధించిన సందర్భం లేదా కంటెంట్ గురించి కోర్టుకు చెప్పలేదని పేర్కొన్నారు. “ఎవరైనా తాము ప్రధానంగా మతం ఆధారిత రిజర్వేషన్‌కు వ్యతిరేకమని చెబితే, అది పూర్తిగా సమర్థించబడుతోంది,” అని మెహతా వాదించారు. “మీరు నాలుగు శాతం రిజర్వేషన్లు రాజ్యాంగ విరుద్ధమని చెబుతున్నారని, ఈ పోడియం నుండి ఎస్‌జిగా మరియు ఈ కేసులో హాజరవుతున్న న్యాయవాది.. మీరు ఈ ప్రకటన చేయవచ్చు. కానీ బహిరంగ ప్రదేశం నుండి మరొకరు ప్రకటన చేయడం… పూర్తి భిన్నంగా” అని జస్టిస్ బి.వి. నాగరత్న తుషార్ మెహతాకు స్పష్టం చేశారు.

స్వలింగ వివాహం కేసులో విచారణ కొనసాగుతున్నందున కేసులు, ప్రస్తుతం వాయిదా వేయాలని తుషార్ మెహతా కోర్టుకు విజ్ఞప్తి చేశారు. గత విచారణలో ఇచ్చిన మధ్యంతర ఉత్తర్వులు తదుపరి ఉత్తర్వులు వచ్చే వరకు కొనసాగుతాయన్న ధర్మాసనం, జూలైలో ఈ అంశాన్ని విచారిస్తామంది. ముస్లింలకు నాలుగు శాతం రిజర్వేషన్లు కల్పిస్తూ కర్నాటకలో గతంలో ఉన్న పాలనపరమైన నిర్ణయం అసెంబ్లీ ఎన్నికల పోలింగ్‌కు ముందు మే 9 వరకు కొనసాగుతుందని సుప్రీం కోర్టు పేర్కొంది. కేవలం మత ప్రాతిపదికన రిజర్వేషన్లు రాజ్యాంగ విరుద్ధమైనందున దానిని కొనసాగించకూడదని ఏప్రిల్ 26న కర్ణాటక ప్రభుత్వం అత్యున్నత న్యాయస్థానానికి తెలిపింది. ‘ఇతర వెనుకబడిన కులాల’లోని 2బి కేటగిరీలో ముస్లింలకు నాలుగు శాతం కోటాను రద్దు చేస్తూ, వొక్కలిగలు, లింగాయత్‌లకు బీజేపీ సర్కారు రిజర్వేషన్లను పెంచింది. ప్రభుత్వ ఉద్యోగాల నియామకాలకు సంబంధించి మార్చి 27న జారీ చేసిన రెండు ఉత్తర్వులను సవాలు చేస్తూ దాఖలైన పిటిషన్లపై రాష్ట్ర ప్రభుత్వం కోర్టుకు వివరణ ఇచ్చింది.