తెలంగాణలో జనసేన దృష్టి… GHMC ఎన్నికల్లో బరిలోకి సిద్ధం

తెలంగాణ రాజకీయాల్లో జనసేన పార్టీ క్రియాశీలకంగా మారనుందని తెలుస్తోంది. త్వరలో జరగనున్న GHMC ఎన్నికల్లో జనసేన పోటీ చేయాలని పార్టీ హైకమాండ్ నిర్ణయించినట్లు గ్రేటర్ హైదరాబాద్ జనసేన అధ్యక్షుడు రాజలింగం వెల్లడించారు.

ఈ సందర్భంగా కూకట్‌పల్లి నియోజకవర్గంలోని ప్రధాన నాయకులు, కార్యకర్తలతో జనసేన రాష్ట్ర ఇన్‌ఛార్జ్ నేమూరి శంకర్‌గౌడ్ సమావేశం నిర్వహించారు. పార్టీ విస్తరణ, గ్రేటర్ ప్రాంతంలో బలం పెంపు, క్యాడర్ సమీకరణ అంశాలపై చర్చించారు.

“రాబోయే రోజుల్లో గ్రేటర్ రాజకీయాల్లో జనసేన కీలక పాత్ర పోషించడానికి సిద్ధంగా ఉంది. కార్యకర్తలన్నీ మరింత చురుకుదనం ప్రదర్శించాలి” అని నేమూరి శంకర్‌గౌడ్ సూచించినట్లు సమాచారం.

GHMC ఎన్నికలు సమీపిస్తున్న నేపథ్యంలో జనసేన నిర్ణయం రాజకీయ వర్గాల్లో ఆసక్తి రేపుతోంది.