రిలయన్స్ బోర్డులోకి ఇషా, ఆకాష్, అనంత్, ముకేష్ భార్య నీతా రాజీనామా
అంబానీ వారసత్వ ప్రణాళికను విడుదల చేసిన రియలన్స్
బోర్డులోకి ఇషా, ఆకాష్, అనంత్
నీతా అంబానీ డైరెక్టర్ల బోర్డు నుండి వైదొలిగి, ఆమె పిల్లలు ఇషా, ఆకాష్, అనంత్లను రిలయన్స్ బోర్డులోకి ఆహ్వానించారు. తద్వారా బోర్డులో కుటుంబ సభ్యులను ఎంచుకొని, కీలక నిర్ణయం తీసుకున్నారు. ఇషా అంబానీ, ఆకాష్ అంబానీ, అనంత్ అంబానీ ఆయిల్-టు-రిటైల్ సమ్మేళనం, నాన్-ఎగ్జిక్యూటివ్ డైరెక్టర్లుగా నియమించబడతారు. ఐతే ఇందుకు వాటాదారుల ఆమోదం పెండింగ్లో ఉంది. రిలయన్స్ ఇండస్ట్రీస్ లిమిటెడ్ (ఆర్ఐఎల్) చైర్మన్గా ముఖేష్ అంబానీ వ్యవహరిస్తారు. రిటైల్, డిజిటల్ సర్వీసెస్, ఎనర్జీ, మెటీరియల్స్ వ్యాపారాలతో సహా గత కొన్ని సంవత్సరాలుగా రిలయన్స్ కీలక వ్యాపారాలలో ముగ్గురు అంబానీ వారసులే చూసుకుంటున్నారని కంపెనీ ఓ ప్రకటనలో పేర్కొంది. రిలయన్స్ కీలక అనుబంధ సంస్థల బోర్డులలో కూడా వారు సేవలందిస్తున్నారు.
నీతా అంబానీ బోర్డ్ ఆఫ్ డైరెక్టర్స్కు రాజీనామా చేసినప్పటికీ, ఆమె అన్ని బోర్డు సమావేశాలకు శాశ్వత ఆహ్వానితురాలిగా హాజరవుతూనే ఉంటారని, తద్వారా కంపెనీ తన సలహాల నుండి ప్రయోజనం పొందడాన్ని కొనసాగించవచ్చని విడుదల చేసింది. “రిలయన్స్ ఫౌండేషన్కు మార్గనిర్దేశం చేయడానికి, భారతదేశానికి మరింత గొప్ప ప్రభావాన్ని చూపడానికి తన శక్తిని మరియు సమయాన్ని వెచ్చించాలనే ఆమె నిర్ణయాన్ని గౌరవిస్తూ బోర్డు నుండి నీతా అంబానీ రాజీనామాను డైరెక్టర్ల బోర్డు ఆమోదించింది” అని పేర్కొంది. ముఖేష్ అంబానీ 2021లో తన వారసత్వ ప్రణాళిక గురించి మొదట మాట్లాడారు. తన ముగ్గురు పిల్లల కోసం మూడు వేర్వేరు వ్యాపారాలను కూడా గుర్తించాడు. ఎనర్జీ వ్యాపారం చిన్న కుమారుడు అనంత్కు వెళుతుంది. పెద్ద కుమారుడు ఆకాష్ తన కవల సోదరి ఇషా టెలికాం, డిజిటల్ వ్యాపారం, రిటైల్ను పొందుతారు.