4 నెలల మనవడికి ₹ 240 కోట్ల షేర్లు బహుమతిగా ఇచ్చిన ఇన్ఫోసిస్ నారాయణ మూర్తి

ఇన్ఫోసిస్ సహ వ్యవస్థాపకుడు ఎన్ఆర్ నారాయణ మూర్తి ఈసారి వారానికి 70 గంటలు పనిచేయాలని కాకుండా మరో రకమైన అంశంతో వార్తల్లో నిలిచాడు. భారతదేశంలోని మిలియనీర్ల జాబితాలో చేరిన తన నాలుగు నెలల మనవడు ఏకగ్రహ రోహన్ మూర్తికి ₹ 240 కోట్ల విలువైన షేర్లను బహుమతిగా ఇచ్చారు. ఏకాగ్రహ, ఇన్ఫోసిస్‌లో 15,00,000 షేర్లను కలిగి ఉన్నాడని, కంపెనీలో 0.04 శాతం వాటా ఉందని ఎక్స్ఛేంజ్ ఫైలింగ్ వెల్లడించింది. టెక్ కంపెనీలో మూర్తి హోల్డింగ్ 0.40 శాతం నుంచి 0.36 శాతానికి పడిపోయి 1.51 కోట్ల షేర్లకు చేరుకుంది. ఏకాగ్రా నవంబర్ 2023లో రోహన్ మూర్తి, అపర్ణ కృష్ణన్ దంపతులకు జన్మించాడు. నారాయణ్, సుధా మూర్తిలకు మూడో మనవడు. అక్షతా మూర్తి, UK ప్రధాన మంత్రి రిషి సునక్‌ల ఇద్దరు కుమార్తెలకు తాతలు కూడా. ఏకాగ్రహ పేరు మహాభారతంలోని అర్జున్ పాత్ర నుండి ప్రేరణ పొందింది. సంస్కృత పదం ‘ఏకాగ్రహ’ అంటే అచంచలమైన దృష్టి, సంకల్పం కలవాడని అర్థం.

1981లో ₹ 10,000 నిరాడంబరమైన పెట్టుబడితో ప్రారంభమైన ఇన్ఫోసిస్, ఆ తర్వాత భారతదేశంలోని 2వ అతిపెద్ద టెక్ కంపెనీగా ఎదిగింది. సుధా మూర్తి, ఒక ఫలవంతమైన రచయిత్రి, దానగుణ సంపన్నురాలు. ఇన్ఫోసిస్ ప్రారంభ రోజులలో కీలక పాత్ర పోషించింది. తన కొద్దిపాటి పొదుపుతో కంపెనీని బూట్‌స్ట్రాప్ చేసింది. ఇన్ఫోసిస్ ఫౌండేషన్‌కు నాయకత్వం వహించడానికి 25 సంవత్సరాలకు పైగా అంకితం చేసిన తర్వాత, ఆమె డిసెంబర్ 2021లో కంపెనీ నుండి తప్పుకుంది. తన కుటుంబ ఫౌండేషన్ ద్వారా స్వచ్ఛంద ప్రయత్నాలను కొనసాగిస్తోంది. తాజాగా ఆమె రాజ్యసభ సభ్యురాలు అయ్యారు. గత సంవత్సరం, యువకులను వారానికి 70 గంటలు పని చేయాలని మూర్తి కోరడంతో తీవ్ర చర్చకు దారితీసింది. పోడ్‌కాస్ట్ సందర్భంగా ఆయన వ్యాఖ్యలు చేస్తూ, దేశంలోని విద్యావంతులైన జనాభా “అత్యంత కష్టపడి” పని చేయడానికి తక్కువ మంది సిద్ధంగా ఉంటారని అన్నారు. మూర్తి అభిప్రాయాలతో చాలా మంది ఏకీభవించారు, అయితే మరికొందరు అభిప్రాయాలను విమర్శించారు. కానీ ఆయన చేసిన వ్యాఖ్యలను సమర్థించుకున్నారు.