రూ.8 కోట్లను హెలికాప్టర్ నుంచి గాలిలో వదిలిన ఇన్‌ఫ్లుయెన్సర్..
చెక్ రిపబ్లిక్‌లోని నాడ్ లాబెమ్ పట్టణంలో నోట్ల వర్షం కురిసింది. చెక్ ఇన్‌ఫ్లుయెన్సర్, టీవీ హోస్ట్ కమిల్ బార్టోషేక్ హెలికాప్టర్ ద్వారా మిలియన్ డాలర్ల సొమ్మును ప్రజలపై కుమ్మరించారు.
కమిల్ ముందుగా ఓ పోటీ నిర్వహించి అందులో గెలిచిన వారికి భారీగా సొమ్మును బహుమతిగా అందించాలనుకున్నాడు. అయితే, అతడు పెట్టిన పోటీలోఎవరూ గెలవలేకపోయారు. దీంతో ఏం చేయాలా అని ఆలోచించి తలపట్టుకుని ఈ విధంగా చేశాడు. ఇందుకోసం మరోపద్ధతి ప్రణాళికను వేసుకున్నాడు. పోటీదారులందరికీ ఆ డబ్బును పంచాలని అనుకున్నాడు. ఈ క్రమంలో ఆదివారం ఆరు గంటలకు ఆ డబ్బును పంచుతానని పోటీదారులకు ముందే మెయిల్ సందేశం ఇచ్చారు. ఈ మేరకు ఆ సమయానికి రావలసిందిగా ఓ ప్రదేశాన్ని సెలక్ట్ చేసి సమాచారం మెయిల్ చేశాడు.
ఇక అనుకున్న టైమ్‌కి నిర్దేశించిన ప్రాంతానికి ఓ కంటైనర్‌లో ఒక మిలియన్ డాలర్లను నింపుకుని వెళ్లాడు. హెలికాఫ్టర్ ద్వారా లాబెమ్ పట్టణానికి సమీపంలోని ప్రదేశంలో ఆ డబ్బును జారవిడిచాడు. అతడు జారవిడిచిన మొత్తం డబ్బు విలువ భారతీయ కరెన్సీలో అయితే సుమారుగా రూ.8 కోట్ల కన్నాఎక్కువే. ఇక ఆ డబ్బు కోసం అక్కడున్న ప్రజలు పోటీపడీ మరీ ఆ డబ్బును తమ బ్యాగ్‌లలో నింపుకున్నారు.
