ఇండియా-చైనా లొల్లి.. అమెరికా ఉద్దేశమిదే?
అరుణాచల్ ప్రదేశ్లోని తవాంగ్ సెక్టార్లో ఘర్షణ తర్వాత భారత్ మరియు చైనా రెండూ త్వరగా ఎవరి స్థానాల్లోకి వారు వెళ్లినందుకు సంతోషంగా ఉందని వైట్ హౌస్ తెలిపింది. వైట్ హౌస్ ప్రెస్ సెక్రటరీ కరీన్ జీన్-పియర్ మాట్లాడుతూ, పరిస్థితి మొత్తాన్ని అమెరికా నిశితంగా పరిశీలిస్తోందని, వివాదాస్పద సరిహద్దులను చర్చించడానికి ఇప్పటికే ఉన్న ద్వైపాక్షిక ఛానెల్లను ఉపయోగించమని ఇరుపక్షాలను ప్రోత్సహిస్తోందని అన్నారు. ఇరువైపులా ఘర్షణల నుండి త్వరగా వైదొలగినందుకు సంతోషిస్తున్నామని… పరిస్థితిని నిశితంగా గమిస్తున్నామని… వివాదాస్పద సరిహద్దుల గురించి చర్చించడానికి చర్చలు మాత్రమే మార్గమని తెలిపారు.
అరుణాచల్ ప్రదేశ్లోని తవాంగ్ సెక్టార్లో శుక్రవారం భారత్, చైనా సైనికుల మధ్య జరిగిన ఘర్షణలో ఇరువర్గాల సిబ్బందికి స్వల్ప గాయాలయ్యాయి. ముఖాముఖి ప్రాంతంలో మోహరించిన భారత సైనికులు చైనా సైనికులకు దీటుగా దీటుగా బదులిచ్చారు. ఈ ఘర్షణలో గాయపడిన చైనా సైనికుల సంఖ్య భారత సైనికుల సంఖ్య కంటే ఎక్కువ. డిసెంబర్ 9న అరుణాచల్లోని తవాంగ్ సెక్టార్లోని యాంగ్ట్సే ప్రాంతంలో వాస్తవ నియంత్రణ రేఖని అతిక్రమించకుండా చైనా సైన్యాన్ని భారత ఆర్మీ దళాలు ధైర్యంగా అడ్డుకున్నాయని రక్షణ మంత్రి రాజ్నాథ్ సింగ్ తెలిపారు. ఘర్షణలో భారతీయ సైనికులెవరూ మరణించలేదని లేదా తీవ్రంగా గాయపడలేదని పార్లమెంట్కు కేంద్ర రక్షణ మంత్రి రాజ్ నాథ్ సింగ్ భరోసా ఇచ్చారు. సైన్యం దేశ ప్రాదేశిక సమగ్రతను కాపాడగలదని నేను హామీ ఇస్తున్నానన్నారు.
ఎలాంటి అతిక్రమణను ఎదుర్కోవడానికి సైన్యం సిద్ధంగా ఉందన్నారు. అరుణాచల్ ప్రదేశ్లోని తవాంగ్ సెక్టార్లోని యాంగ్ట్సేలో ఇండియా-చైనా దళాల మధ్య జరిగిన ముఖాముఖిలో, వాస్తవ నియంత్రణ రేఖపై యథాతథ స్థితిని మార్చే వారి ప్రయత్నాన్ని అడ్డుకున్న వివిధ పదాతిదళ రెజిమెంట్లకు చెందిన మూడు భారత సైన్యంతో PLA దళాలు ఘర్షణ పడ్డాయి. జమ్మూ కాశ్మీర్ రైఫిల్స్, జాట్ రెజిమెంట్, సిక్కు లైట్ ఇన్ఫాంట్రీతో సహా మూడు వేర్వేరు బెటాలియన్లకు చెందిన దళాలు గత వారం ఘర్షణ జరిగిన ప్రదేశంలో ఉన్నారని, చైనీయులు ఆ ప్రాంతంలోని యథాతథ స్థితిని ఏకపక్షంగా మార్చడానికి ప్రయత్నించారు. చైనీయులు ఘర్షణ కోసం కర్రలు, ఇతర ఆయుధాలతో వచ్చినట్టు తెలుస్తోంది. ప్రత్యర్థి ఉద్దేశాలు తెలిసినందున భారత సైనికులు కూడా తగ్గేదేలే అన్నట్టుగా వ్యవహరించారు.