రూ.15 వేల కోట్ల అప్పులుంటే కేవలం ఒక్క ఆ బాకీయే తీర్చారెందుకు?
బాకీల విషయంలో ఇష్టారాజ్యంగా చేస్తామంటే కుదరదని బైజూస్ కంపెనీకి సుప్రీం కోర్టు తేల్చి చెప్పింది. 15 వేల కోట్లు అప్పులుంటే కేవలం ఒక్క సంస్థకు బాకీ తీర్చి చేతులు దులుపుకుంటామంటే ఎలా అంటూ మండిపడింది. అప్పీలేట్ ట్రిబ్యునల్ NCLT బైజూస్‌పై దివాలా ప్రక్రియ విషయంలో సరిగా వ్యవహరించలేదని సుప్రీం కోర్టు అభిప్రాయపడింది. సంక్షోభంలో ఉన్న ఎడ్-టెక్ మేజర్ బైజూ ₹ 15,000 కోట్ల అప్పులో ఉన్నప్పటికీ బీసీసీఐతో బకాయిలను మాత్రమే చెల్లించాలని ఎందుకు నిర్ణయించుకుందని సుప్రీంకోర్టు ప్రశ్నించింది.
బోర్డ్ ఆఫ్ కంట్రోల్ ఫర్ క్రికెట్ ఇన్ ఇండియా (BCCI)తో ₹ 158.9 కోట్ల బకాయిల సెటిల్మెంట్ ఆమోదించిన తర్వాత ఆగస్టు 2న బైజూస్‌కు నేషనల్ కంపెనీ లా అప్పీలేట్ ట్రిబ్యునల్ (NCLT) నుంచి ఉపశమనం లభించగా, మరో సంస్థ గ్లాస్ ట్రస్ట్ తమ అప్పు ఇవ్వడానికి బైజూస్ రవీంద్రన్ ససేమిరా అంటున్నారని సుప్రీం కోర్టును ఆశ్రయించింది. దీంతో లా ట్రిబ్యునల్ లో ఉపశమనం లభించినా, అది ఎక్కువ కాలం నిలవలేదు. సెటిల్‌మెంట్‌లో భాగంగా అందుకున్న మొత్తాన్ని ప్రత్యేక బ్యాంకు ఖాతాలో ఉంచాలని బీసీసీఐని సుప్రీంకోర్టు ఆదేశించింది. “కంపెనీ ₹ 15,000 కోట్ల అప్పులో ఉంది. అప్పుల పరిమాణం చాలా పెద్దగా ఉన్నప్పుడు, ప్రమోటర్ నాకు చెల్లించడానికి సిద్ధంగా ఉన్నారని చెప్పి ఒక రుణదాత BCCI ఎలా చెప్తోంది” అని చీఫ్ జస్టిస్ DY చంద్రచూడ్ నేతృత్వంలోని ధర్మాసనం పేర్కొంది. న్యాయమూర్తులు జేబీ పార్దివాలా, మనోజ్ మిశ్రాలతో కూడిన ధర్మాసనం కేసును తిరిగి అప్పీలేట్ ట్రిబ్యునల్‌కు పంపవచ్చని సూచించింది.
బిసిసిఐని ఎందుకు ఎంచుకుని, మీ వ్యక్తిగత ఆస్తుల నుండి మాత్రమే వారితో సెటిల్ అవ్వాలి.. NCLAT బాధ్యతగా వ్యవహరించాలని, ఒకరికే ఫేవర్ గా ఎలా వ్యవహరిస్తారని బెంచ్ ప్రశ్నించింది. అమెరికా సంస్థ అప్పీల్‌పై సుప్రీంకోర్టులో బుధవారం విచారణ ప్రారంభమైంది. గ్లాస్ ట్రస్ట్ ఎల్‌ఎల్‌సి తరపున వాదిస్తూ, బిసిసిఐ సెటిల్మెంట్ మొత్తాన్ని క్లెయిమ్ చేసి, బిసిసిఐకి చెల్లించిన సెటిల్మెంట్ డబ్బును “కళంకితం” అని పిలిచిన తర్వాత ఎన్‌సిఎల్‌ఎటి బైజూస్‌పై దివాలా చర్యలను నిలిపివేయకూడదని సీనియర్ న్యాయవాది శ్యామ్ దివాన్ అన్నారు. బైజూస్ తరపున వాదిస్తున్న న్యాయవాదులు అభిషేక్ సింఘ్వీ, ఎన్‌కె కౌల్ మాట్లాడుతూ, ఈ డబ్బును బైజూ రవీంద్రన్ సోదరుడు రిజు రవీంద్రన్ తన వ్యక్తిగత ఆస్తుల నుండి చెల్లించారని, NCLAT దివాలా కేసును మూసివేయడంలో తప్పు లేదని అన్నారు. బిసిసిఐ తరపున హాజరైన సొలిసిటర్ జనరల్ తుషార్ మెహతా ఇదే వైఖరిని ప్రతిధ్వనించారు.
