ఇద్దరు కొడుకులు నాకు కావాలి, ఆమెకు వదిలి పెట్టేది లేదు…

ఇద్దరు కొడుకుల కస్టడీ కోరిన నటుడు జయం రవి, వారు నా దగ్గరే ఉండాలి, వారికోసం కోర్టులో 10 లేదా 20 ఏళ్లపాటు పోరాడతా. గెలిచి తీరతా. తన ఇద్దరు కుమారులు ఆరవ్, అయాన్‌ల కస్టడీ కోసం కోర్టులో పోరాడతానని తమిళ నటుడు జయం రవి తెలిపారు. విభేదాల కారణంగా భార్య ఆర్తితో విడాకుల కోసం దరఖాస్తు చేసుకున్నాడు.  నటుడు జయం రవి ఆర్తితో విడాకుల కోసం దరఖాస్తు చేసుకున్నారు. అతను తన ఇద్దరు కుమారుల కస్టడీ కోసం పోరాడుతున్నాడు. జయం రవి, ఆర్తి పెళ్లై దాదాపు 15 ఏళ్లు అయింది, తమిళ నటుడు జయం రవి, అతనితో విడిపోయిన భార్య విడాకులు తీసుకున్నారు. ఇటీవలి ఇంటర్వ్యూలో, నటుడు పొన్నియిన్ సెల్వన్ తన ఇద్దరు కుమారులు ఆరవ్, అయాన్‌ల కస్టడీ కోసం ఫ్యామిలీ కోర్టులో పోరాడుతున్నట్లు చెప్పారు. సెప్టెంబర్ 9న, ఆర్తితో తన వివాహాన్ని రద్దు చేసుకున్నట్లు ప్రకటించాడు, దానికి ఆమె నుండి ఘాటైన సమాధానం వచ్చింది. ఆమె కాంప్రమైజ్ కావడం కష్టమనిపించింది. రవి నిర్ణయం ఏకపక్షంగా తీసుకున్నారని ఆమె పేర్కొంది.

ఒక ఇంగ్లీష్ పత్రికతో మాట్లాడిన రవి, ఆర్తిపై తీవ్రమైన ఆరోపణలు చేశారు, ఇద్దరు కుమారుల కస్టడీ కోసం కోర్టులో పోరాడతానని చెప్పారు. “అవును, నాకు నా పిల్లల కస్టడీ కావాలి – ఆరవ్, అయాన్. ఈ విడాకుల కోసం కోర్టులో 10 ఏళ్లు, 20 ఏళ్లు పోరాడటానికి నేను సిద్ధంగా ఉన్నాను.  ఎంత సమయం పడుతుంతో అంతవరకు వెయిట్ చేస్తా అన్నాడు. నా భవిష్యత్తు అంతా నా పిల్లలు; వారి సంతోషంపైనే ఆధారపడి ఉంది” అని అతను చెప్పాడు. తన కుమారులతో తన భవిష్యత్తు ప్రణాళికలను కూడా తెలియజేశాడు. తన పెద్ద కొడుకు ఆరవ్‌తో సినిమా నిర్మించి, అతన్ని హీరో కింద సినిమాలకి పరిచయం చేయాలనుకుంటున్నట్లు రవి తెలిపాడు. “అదే నా కల. ఆరేళ్ల క్రితం టిక్‌ టిక్‌ టిక్‌లో అతనితో కలిసి నటించినప్పుడు, నా జీవితంలో ఇది అత్యంత సంతోషకరమైన రోజు అని సక్సెస్‌మీట్‌లో స్టేజ్‌పై చెప్పాను. మళ్లీ ఆ రోజు కోసం ఎదురు చూస్తున్నాను అన్నారు.

రాజీ కోసం ఆర్తి తనని ఎప్పుడూ సంప్రదించలేదని రవి కూడా చెప్పుకొచ్చారు. తాను ఇచ్చిన రెండు లీగల్ నోటీసులకు ఆమె స్పందించలేదని తెలిపారు. ఇంకా వివరణ కూడా ఇస్తూ.. “ఆమె నాతో రాజీ చేసుకుందామనుకున్నట్టు ఆమె ప్రవర్తన ఎక్కడా కనబడలేదు?  రాజీ చేసుకుందామనే ఉద్దేశం ఉంటే ‘గర్ల్‌ఫ్రెండ్’ గురించి వార్తలు బయటకు వస్తాయా?” రవి, ఆర్తి ప్రకటనల తర్వాత, గాయని – మనస్తత్వవేత్త కెనిషా ఫ్రాన్సిస్‌తో నటుడు ఎఫైర్ కలిగి ఉన్నారనే పుకార్లు సోషల్ మీడియాలో హల్ చల్ చేశాయి. చెన్నైలో బ్రదర్ ఆడియో లాంచ్ అనంతరం మీడియాతో మాట్లాడిన రవి, కెనిషాతో లింక్ అప్ రూమర్స్‌పై దుమ్మెత్తిపోశారు. జీవించు ఆ విధంగానే జీవించు.. ఎవరి పేరునూ ఇందులోకి లాగొద్దు.. జనం యాదృచ్ఛికంగా మాట్లాడుతున్నారు.. ఇలాంటి తప్పుడు చర్యలకు పాల్పడవద్దు.. వ్యక్తిగత జీవితం వ్యక్తిగతంగా ఉండనివ్వండి.. 600 స్టేజ్ షోలలో పాడిన వ్యక్తి కెనీషా.. ఆమె చాలామంది ప్రాణాలను కాపాడిన డాక్టర్, దయచేసి ఆమెను ఇందులోకి లాగవద్దు.

రవి ఇంకా ఇలా కూడా అన్నాడు, “భవిష్యత్తులో హీలింగ్ సెంటర్‌ను ప్రారంభించాలని నేను, కెనిషా ప్లాన్ చేస్తున్నాం. అదే మా లక్ష్యం. మేము చాలామందికి సహాయం చేయాలనుకుంటున్నాం. దయచేసి అలాంటి ఆలోచనలను పాడుచేయవద్దు. విడాకులకు సంబంధించి ఫ్యామిలీ కోర్టులో జయం రవి, ఆర్తిల తొలి విచారణ అక్టోబర్‌ నెలలో హియరింగ్ రానుంది.