తెలంగాణలో గురువారం అత్యధికంగా విద్యుత్ వినియోగం

రాష్ట్రంలో గురువారం ఉదయం 11.01 గంటలకు గరిష్టంగా 15,497 మెగావాట్ల విద్యుత్ డిమాండ్ నమోదైంది. ఇది ఇప్పటివరకు నమోదైన అత్యధికం. గతంలో మార్చి 15న అత్యధికంగా 15,062 మెగావాట్ల వినియోగం రికార్డయ్యింది. గత ఏడాది మార్చిలో అత్యధికంగా 14,160 మెగావాట్ల విద్యుత్‌ వినియోగం జరగగా, ఈసారి గరిష్టంగా 15,497 మెగావాట్ల విద్యుత్‌ డిమాండ్‌ పెరిగిందని ఇంధన శాఖ అధికారులు తెలిపారు. మార్చి 15న రాష్ట్రంలో అత్యధికంగా 15,062 మెగావాట్ల విద్యుత్ డిమాండ్ నమోదైంది. ఆ తర్వాత వర్షాకాలంలో డిమాండ్ తగ్గి, ఇప్పుడు మళ్లీ డిమాండ్ పెరుగుతోందని అధికారులు తెలిపారు. రాబోయే రోజుల్లో రాష్ట్రంలో విద్యుత్ డిమాండ్ 16,000 మెగావాట్లు దాటుతుందని… రోజువారీ ఇంధన వినియోగం 300 మిలియన్ యూనిట్లకు పైగా ఉంటుందని అధికారులు అంచనా వేస్తున్నారు. మార్చిలో గరిష్ట డిమాండ్ 15,000 మెగావాట్లకు చేరుకుంటుందని విద్యుత్తు శాఖ ముందుగా అంచనా వేసి విద్యుత్ సరఫరాకు తగిన ఏర్పాట్లు చేస్తోంది. రాష్ట్రంలోని మొత్తం విద్యుత్‌లో 37 శాతం వ్యవసాయ రంగం ద్వారా వినియోగిస్తున్నారు. వేసవిలో రైతులతో పాటు వినియోగదారులందరికీ నిరంతరాయంగా విద్యుత్ సరఫరా అయ్యేలా అన్ని చర్యలు తీసుకుంటామని అధికారులు తెలిపారు.