సిద్దిఖీ హత్యతో సల్మాన్ కు భారీ భద్రత
సిద్దిఖీ హత్యతో రాజకీయవర్గాలతోపాటు బాలీవుడ్ కూడా ఉలిక్కిపడింది. సిద్ధిఖీకి సన్నిహితుడైన బాలీవుడ్ హీరో సల్మాన్ ఖాన్ కు ముప్పు పొంచి ఉన్నదనే వార్తలు వెలువడ్డాయి. లారెన్స్ బిష్ణోయ్ గ్యాంగ్ సోషల్ మీడియాలో చేసిన పోస్ట్ లో సల్మాన్ ఖాన్ పేరును ప్రస్తావించింది. బాలీవుడ్ హీరో సల్మాన్ ఖాన్, అండర్ వరల్డ్ డాన్ దావూద్ ఇబ్రహీం, అనుజ్ థాపన్ తో సిద్ధిఖీకి ఉన్న సాన్నిహిత్యమే ఆయన హత్యకు కారణమని పేర్కొంది. సల్మాన్ ఖాన్, దావూద్ గ్యాంగ్ కు ఎవరు సహాయం చేసినా మూల్యం చెల్లించుకోవాల్సిందే అని హెచ్చరించారు. దీంతో అప్రమత్తమైన మహారాష్ట్ర సర్కారు సల్మాన్ ఖాన్ కు భారీ భద్రత పెంచింది. ఆయన కుటుంబ సభ్యులకు కూడా భద్రతను పెంచింది. ఈ నేపథ్యంలో తన సినిమా షూటింగ్ షెడ్యూల్స్ తో పాటు వ్యక్తిగత మీటింగ్ అన్నింటనీ సల్మాన్ ఖాన్ రద్దు చేసుకున్నారు.
