మోహన్ బాబు ఆరోగ్యంపై హెల్త్ బులిటిన్
సినీ నటుడు మోహన్ బాబు కుటుంబ వివాదం చోటు చేసుకున్న సంగతి తెలిసిందే. ఈ వివాదంలో మోహన్ బాబు ఆరోగ్యం ఆందోళనకరంగా మారింది. దీంతో మంగళవారం రాత్రి గచ్చిబౌలిలోని కాంటినెంటెల్ ఆస్పత్రిలో చేరారు. ఆయన ఆరోగ్య పరిస్థితిని తెలియజేస్తూ తాజాగా ఆస్పత్రి టీం ఒక హెల్త్ బులెటిన్ ను రిలీజ్ చేసింది. ఒళ్ళు నొప్పులు, ఆందోళన వంటి కారణాలతో ఆయన ఆస్పత్రిలో చేరారని పేర్కొంది. వైద్య పరీక్షల అనంతరం ఆయనకు కంటి దిగువ భాగంలో గాయమైనట్లు గుర్తించింది. అదే విధంగా బీపీ ఎక్కువగా ఉందని.. గుండె కొట్టుకోవడంలో హెచ్చు తగ్గులు ఉన్నాయని వైద్యులు గుర్తించారు. ఈ మేరకు సంబంధిత వైద్యులు ఆయనకు ట్రీట్ మెంట్ అందిస్తున్నారని వివరించారు.
