ఆమె నోటిని ఫెవిక్విక్ తో అతికించాడు.. తర్వాత ఏమైందంటే..
భార్యకు వివాహేతర సంబంధం ఉందన్న అనుమానంతో ఆమె నోటికి ఫెవిక్విక్ వేసి అతికించాడు ఓ షాడిస్ట్ భర్త. ఈ ఘటన కర్ణాటక దొడ్డబళ్లాపురా జిల్లాలోని నెమమంగల తాలూకా హారోక్యాతనహళ్లిలో ఈ ఘటన చోటు చేసుకుంది. సిద్ధలింగయ్య, భార్య మంజుల దంపతులు ఉంటున్నారు. ఇద్దరికీ పదేండ్ల క్రితం వివాహం జరిగింది. మంజుల గార్మెంట్స్ ఫ్యాక్టరీలో పనికి వెళుతుంది. సిద్ధలింగయ్య ఆయుర్వేద ఔషధ కంపెనీలో పని చేస్తున్నాడు. భార్యపై అనుమానంతో అతడు తరచూ గొడవపడేవాడు. మొన్న రాత్రి అతని పైశాచికం శృతి మించింది. ఆమె పెదవులపై ఫెవిక్విక్ వేసి అతికించి పరారయ్యాడు. స్థానికుల ద్వారా సమాచారం అందుకున్న పోలీసులు బాధితురాలిని ఆస్పత్రిలో చేర్చారు. వైద్యులు ఫెవిక్విక్ గమ్ ను తొలగించారు. సైకో భర్తని పోలీసులు అరెస్టు చేశారు.
