హిట్ 3 ట్రైలర్ చూశారా..?
నేచురల్ స్టార్ నాని హీరోగా శైలష్ కొలను దర్శకత్వంలో వస్తున్న తాజా మూవీ ‘హిట్-3’. హిట్ యూనివర్స్ వస్తున్న మూడో చిత్రం కావడంతో ఈ సినిమా కోసం ప్రేక్షకులు ఆత్రుతగా ఎదురుచూస్తున్నారు. ఇంతకు ముందు వచ్చిన రెండు మూవీలు భారీ విజయాన్ని సొంతం చేసుకోవడమే ఇందుకు కారణం. మే 1న ‘హిట్-3’ ప్రేక్షకుల ముందుకు రానుంది. దీనిలో భాగంగా తాజాగా ట్రైలర్ ను రిలీజ్ చేశారు. వరుస హత్యలు… వాటిని పవర్ ఫుల్ పోలీస్ అధికారి అయిన అర్జున్ సర్కార్ ఎలా చేధించాడు అనే కోణంలో ఈ చిత్రం తెరకెక్కిన్నట్లు ట్రైలర్ చూస్తుంటే అర్థమవుతోంది. ఇందులో నాని చెప్పిన డైలాగ్ లు థియేటర్లో గూస్ బంప్స్ తెప్పించడం ఖాయంగా కనిపిస్తోంది. మొత్తంగా ట్రైలర్ అదిరిపోయింది. ఈ మూవీలో నేచురల్ స్టార్ సరసన కేజీఎఫ్ ఫేమ్ శ్రీనిధి శెట్టి హీరోయిన్ గా నటిస్తున్నారు. మిక్కీ జే మేయర్ సంగీతం అందిస్తున్నారు.
