ఎండకు ఉడికిన గుడ్డు

వేసవిలో కొందరు రోడ్లపై ఎండలో ఆమ్లెట్ వేయడం లాంటివి చూస్తుంటాం. కానీ, ఎండవేడికి ఏకంగా ఎగ్ ట్రేలో కోడిగుడ్డు ఉడికిన ఘటన ఉప్పల్ గణేశ్‌నగర్‌లో చోటుచేసుకుంది. ఉప్పల్ గణేశ్ నగర్‌లో చికెన్ దుకాణం నుంచి ఎగ్‌ట్రే స్థానిక ఓ మహిళ కొనుగోలు చేసింది. కోడిగుడ్డు ఆమ్లెట్ వేద్దామని చూడగా ఒక గుడ్డు ఉడికి ఉండడంతో షాక్ అయింది. ఎండ వేడికి ఏకంగా కోడి గుడ్డు ఉడికిందని ఆమె ఆశ్చర్యం వ్యక్తం చేసింది. హైదరాబాద్‌లో ఎండ తీవ్రతకు ఈ ఘటన నిదర్శనంగా మారింది. ప్రస్తుతం ఈ వీడియో నెట్టింట్లో వైరల్ గా మారింది. వీడియో చూసిన నెటిజన్లు పలు రకాలుగా కామెంట్లు చేస్తున్నారు.