ఇక నుంచి ఆర్టీసీ బస్సుల్లో క్యూఆర్ కోడ్ సేవలు
టీజీఎస్ ఆర్టీసీ బస్సు కండక్టర్ కు ఊరట లభించనుంది. ఆర్టీసీ ప్రయాణికుల కోసం త్వరలో క్యూఆర్ చెల్లింపులు అందుబాటులోకి రానుంది. దీంతో కండక్టర్లకు చిల్లర విషయంలో తలెత్తే సమస్యకు ఇకపై చెక్ పడనుంది. ఇప్పటికే బండ్లగూడ, దిల్ సుఖ్ నగర్ డిపోలోని బస్సుల్లో పైలెట్ ప్రాజెక్టుగా డిజిటల్ పేమెంట్లను అమలు చేయగా, ఆ ప్రయోగం విజయవంతమైంది. గూగుల్ పే, ఫోన్ పే, క్రెడిట్, డెబిట్ కార్డులతో పాటు అన్ని రకాల డిజిటల్ పేమెంట్స్ ను ఆర్టీసీ బస్సుల్లో అనుమతించాలని ఆర్టీసీ ఎండీ సజ్జనార్ సిబ్బందిని సూచించారు. ప్రస్తుతం కండక్టర్లు వినియోగిస్తున్న టీం మిషన్ల స్థానంలో రాష్ట్ర వ్యాప్తంగా అందరికీ ఆటోమేటిక్ ఫెయిర్ కలెక్షన్ సిస్టం మిషన్లు ఇవ్వనున్నట్లు తెలుస్తోంది.
