సోలార్‌ రూఫ్‌ సైకిల్ ట్రాక్ శంకుస్థాపన
హైదరాబాద్‌లోని నానక్ రామ్‌గూడలో సోలార్‌ రూఫ్‌ సైకిల్ ట్రాక్‌కు మంత్రి కేటీఆర్ శంకుస్థాపన చేశారు. ఫస్‌ ఫేస్‌లో భాగంగా 23 కి.మీ. వరకు నిర్మాణం చేపట్టనున్నారు. 16 మెగావాట్ల విద్యుత్పత్తి జరిగేలా సోలార్‌ రూఫ్‌తో ఈ ట్రాక్‌ను ప్లాన్‌ చేస్తున్నారు. వచ్చే సంవత్సరం నాటికి దీన్ని అందుబాటులోకి తీసుకురావాలని హెచ్‌ఎండీఏ ప్రయత్నం మొదలుపెట్టింది. నానక్ రాం గూడ నుంచి టీ.ఎస్.పీ.ఎస్ వరకు… నార్సింగి నుంచి కొల్లూరు వరకు సర్వీసు రోడ్లకు ఇరువైపులా పచ్చదనంతో ఈ ట్రాక్ ను నిర్మించనున్నారు. సాధారణ సైకిల్ ట్రాక్ మాదిరిగా కాకుండా ఆధునిక వసతులతో నిర్మాణం చేపట్టనున్నారు. ఈ సందర్భంగా మంత్రి కేటీఆర్ మాట్లాడుతూ… పర్యావరణానికి అనుకూలంగా ఉండే.. ప్రజా ఉపయోగమైన నాన్ మోటరైజ్ ట్రాన్స్ పోర్ట్ సెల్యూషన్స్ ను ఉద్దేశంతో ఈ ట్రాక్ ను నిర్మిస్తున్నామన్నారు. అందరికీ ఫిజికల్ ఫిటెనెస్ పై ఆసక్తి పెరిగిందన్నారు. 24 గంటలు ఈ ట్రాక్ అందుబాటులో ఉంటుందని, ఇండియాలో తొలిసారిగా ఈ కార్యక్రమానికి శ్రీకారం చుట్టామని మంత్రి కేటీఆర్ పేర్కొన్నారు.
