హాంగ్‌కాంగ్‌ హైరైజ్ లో ఫైర్ – 13 మంది మృతి
హాంగ్‌కాంగ్‌ లోని థాయ్‌పో జిల్లాలోని భారీ అగ్ని ప్రమాదం సంభవించింది. 35 అంతస్తుల హౌసింగ్ కాంప్లెక్స్‌లో ఆకాశహర్మ్యాల్లో బుధవారం మంటలు చెలరేగాయి. ఈ ఘటన చోటుచేసుకుంది. ఈ దర్ఘటనలో 13 మంది మృతి చెందారు. ఘటన స్థలంలోనే తొమ్మిది మంది ప్రాణాలు కోల్పొగా , ఆసుపత్రిలో చికిత్స పొందుతూ మరో నలుగురు మృతి చెందినట్లు అధికారులు తెలిపారు. అగ్ని ప్రమాదం నుంచి బయటపడిన హౌసింగ్ కాంప్లెక్స్‌లోని వందలాది మందిని తాత్కాలిక ఆశ్రయాలకు అధికారులు తరలించారు. అగ్నికీలలు వేగంగా వ్యాప్తి చెంది ఆ ప్రాంతమంతా దట్టమైన పొగ వ్యాపించింది. ఈ ఘటనను 4 వ నెంబరు ప్రమాదంగా అధికారులు ప్రకటించారు.
సుమారు 2,000 ఇళ్లు ఉన్న నివాస సముదాయంలో , అందులో కొన్ని నిర్మాణ దశలో ఉన్నాయని మీడియా కథనాలను వెల్లడించాయి. ఈ నివాస సమదాయంలో దాదాపు 4,800 మంది నివసిస్తున్నారు. 128 అగ్నిమాపక వాహనాలు, 57 అంబులెన్సులను ఘటనా స్థలానికి తరలించారు. మంటల్లో చిక్కుకున్న వారిలో వృద్ధులు ఎక్కువగా ఉన్నట్లు అధికారులు తెలిపారు. భవనాల్లో మంటలు ఎగసిపడుతుండడంతో ఇంకా ఎంతమంది ఉన్నారనేది స్పష్టంగా తెలియరాలేదని అధికారులు వ్యాఖ్యానించారు.
