ఎట్టకేలకు ఓటీటీలోకి కాంట్రవర్సీ మూవీ

యాట సత్యనారాయణ దర్శకత్వంలో రూపొందిన కాంట్రవర్సీ సినిమా ‘రజాకార్’. గత 9 నెలల క్రితం థియేటర్లలో రిలీజైన ఈ సినిమా ఇప్పటి వరకు ఓటీటీలోకి రిలీజ్ కాలేదు. అయితే ఎట్టకేలకు ఈ మూవీ డిజిటల్ స్ట్రీమింగ్ కు సిద్ధమైంది. ప్రముఖ ఓటీటీ ప్లాట్ ఫామ్ అయినటువంటి ఆహా.. రజాకార్ డిజిటల్ స్ట్రీమింగ్ హక్కులను సొంతం చేసుకుంది. ఇందులో భాగంగా త్వరలోనే ఈ సినిమాను ఓటీటీ ఆడియన్స్ ముందుకు తీసుకోరాబోతున్నట్లు అధికారికంగా వెల్లడించింది. ఈ మేరకు సోషల్ మీడియాలో ఓ పోస్టర్ ను రిలీజ్ చేసింది. అయితే.. ఈ సినిమా డిసెంబర్ 20 లేదా 26న ఓటీటీలోకి రానున్నట్లు సమాచారం. ఈ సినిమా భారతదేశంలో హైదరాబాద్ సంస్థానం విలీనం, రజాకార్ల పాలన వంటి చారిత్రాత్మక అంశాలను స్పృశిస్తూ తెరకెక్కింది. అయితే ఈ మూవీ రిలీజ్ కు ముందే ఎన్నో విమర్శలను ఎదుర్కొంది. అలా విమర్శల మధ్య విడుదలైన ఈ సినిమా కొన్ని వర్గాల వాళ్ళను మాత్రమే మెప్పించింది.