2025 ఆస్కార్ ఎంట్రీకి ఇండియా నుండి మహిళా చిత్రం
మనదేశం నుండి 2025 ఆస్కార్ ఎంట్రీ కోసం ఫిల్మ ఫెడరేషన్ ఆఫ్ ఇండియా “లాపతా లేడీస్” అనే మహిళా చిత్రాన్ని ఎంపిక చేసింది. మహిళా దర్శకురాలు కిరణ్ రావు రూపొందించిన ఈ చిత్రం విమర్శకుల ప్రశంసలు అందుకుంది. అమాయకమైన పల్లెటూరి మహిళల జీవిత కథతో రూపొందించిన ఈ చిత్రం అందరినీ ఆకట్టుకుంది. ఇద్దరు కొత్తగా వివాహమైన వధువులు రైలు ప్రయాణంలో మారిపోవడంతో ఈ కథ చాలా ఆసక్తిని కలిగించింది. ఈ చిత్రంలో అనవసరమైన మెలోడ్రామా లేకుండా చక్కగా చిత్రాన్ని రూపొందించారు కిరణ్ రావు. ఆమె బాలీవుడ్ సూపర్ స్టార్ అమీర్ ఖాన్ మాజీ భార్య. ఈ చిత్రం ఆస్కార్‌కు ఎన్నికవుతుందని గతంలోనే ఆశాభావం వ్యక్తం చేశారు కిరణ్ రావు. చివరి రౌండుకు సెలక్టయిన 29 చిత్రాల లిస్టు నుండి చివరికి ఈ చిత్రం ఆస్కార్‌కు భారత్ నుండి ఎన్నికయ్యింది.
