ట్రంప్ ఆదేశాలపై ఫెడరల్ కోర్టు స్టే..భారతీయులకు ఊరట

అమెరికా నూతన అధ్యక్షుడు ట్రంప్ అనేక నూతన చట్టాలపై అధికారంలోకి వచ్చిన వెంటనే సంతకం చేశారు. వీటిలో భారతీయులకు అత్యంత ఆందోళన కలిగించిన అంశం పుట్టుకతో పౌరసత్వ హక్కు రద్దు. అయితే వారికి ఈ విషయంలో ఊరట లభించింది. అమెరికాలోని సియాటిల్ ఫెడరల్ కోర్టు ఈ ఆదేశాలను తాత్కాలికంగా నిలిపివేస్తూ ఉత్తర్వులు జారీ చేశారు. ట్రంప్ నిర్ణయం రాజ్యాంగ విరుద్దమని పేర్కొన్నారు. జనవరి 20న ప్రమాణస్వీకారం చేసిన అనంతరం ఈ చట్టంపై ఆమోద ముద్ర వేసిన ట్రంప్‌పై డెమెక్రాట్ల నేతృత్వంలోని పలు రాష్ట్రాలు కోర్టుకెక్కాయి. వాషింగ్టన్, అరిజోనా, ఇల్లినాయిస్ వంటి 22 రాష్ట్రాలు, పౌరసంఘాలు ఈ నిర్ణయంపై దేశంలోని పలు కోర్టులలో దావాలు వేశాయి. అయితే సియాటిల్ కోర్టు ట్రంప్ నిర్ణయంపై స్టే విధిస్తూ ఆదేశాలు జారీ చేసింది.