నేషనల్‌ కాన్ఫరెన్స్‌ అధ్యక్ష పదవికి ఫరూక్ అబ్దుల్లా రాజీనామా
నేషనల్‌ కాన్ఫరెన్స్‌ అధ్యక్ష పదవికి జమ్మూకశ్మీర్‌ మాజీ సీఎం ఫరూక్ అబ్దుల్లా రాజీనామా చేశారు. శ్రీనగర్‌లో తన పార్టీ కార్యకర్తల సమావేశంలో ఆయన ఈ విషయాన్ని తెలిపారు. వయసు రీత్యా అనారోగ్య సమస్యలు ఉన్నాయని, పార్టీని నడిపించే శక్తి తన శరీరానికి లేదని ఫరూక్ అబ్దుల్లా అన్నారు. పార్టీని బలోపేతం చేసేందుకు నేతలందరూ కష్టపడాలని కోరారు. పార్టీ నాయకత్వాన్ని కొత్త తరం చేపట్టాల్సిన సమయం ఆసన్నమయిందని అన్నారు. ప్రస్తుతం పార్టీ వైస్‌ ప్రెసిడెంట్‌గా ఫరూక్ అబ్దుల్లా కుమారుడు, ఒమర్‌ అబ్దుల్లా వ్యవహరిస్తున్నారు. డిసెంబర్‌ 5న కొత్త అధ్యక్షుడి ఎన్నిక జరగనుంది. అప్పటి వరకు ఫరూక్ అబ్దుల్లానే పార్టీ అధ్యక్షుడిగా వ్యవహరిస్తారు.
