చెస్ ఛాంపియన్ కు ఎలాన్ మస్క్ కంగ్రాట్స్

భారత యువ గ్రాండ్ మాస్టర్ దొమ్మరాజు గుకేశ్ ప్రపంచ చెస్ ఛాంపియన్ షిప్ చారిత్రాత్మక విజయం సాధించిన విషయం తెలిసిందే. చైనాకు చెందిన డింగ్ లిరెన్ ను ఓడించి గుకేశ్ ప్రపంచ ఛాంపియన్ గా అవతరించాడు. 18 ఏళ్లకే ఇలా వరల్డ్ చెస్ ఛాంపియన్ గా నిలిచాడు. తద్వారా ఈ ప్రతిష్ఠాత్మక టైటిల్ కు గెలుచుకున్న అతి పిన్న వయస్కుడైన (18ఏళ్ల 8నెలల 14రోజులు) ఆటగాడిగా చరిత్ర సృష్టించాడు. దీంతో గుకేశ్ సర్వాత్ర ప్రశంసలను అందుకుంటున్నాడు. తాజాగా టెస్లా, స్పేస్ ఎక్స్ అధినేత, ఎలాన్ మస్క్ కూడా గుకేశ్ కు సోషల్ మీడియా వేదికగా అభినందనలు తెలిపారు. ఈ మేరకు ‘ఎక్స్’ (ట్విట్టర్) వేదికగా కంగ్రాట్స్ చెబుతూ ఎలాన్ మస్క్ స్పెషల్ పోస్ట్ పెట్టారు. ఇప్పుడీ ట్వీట్ సోషల్ మీడియాలో వైరల్ గా మారింది.