‘టిల్లూ స్క్వేర్’ నుండి ‘టికెట్ కొనకుండా’ సాంగ్ విడుదల

‘డీజే టిల్లూ’ సూపర్ హిట్ కావడంతో మరోసారి ‘టిల్లూ స్క్వేర్‌’తో వస్తున్నాడు యంగ్ హీరో సిద్దూ జొన్నలగడ్డ. ‘టిల్లూ స్క్వేర్’ నుండి టికెట్ కొనకుండా అంటూ సాగే పాట నేడు విడుదలయ్యింది. ఈ పాటను కాసర్ల శ్యామ్ రచించగా, విలక్షణ గాయకుడు రామ్ మిర్యాల ఈ పాటను పాడారు. రామ్ మిర్యాల పాడిన ‘డీజే టిల్లూ’ అనే టైటిల్ సాంగ్ డీజే టిల్లూ చిత్ర విజయానికి ఎంతో తోర్పడిన సంగతి తెలిసిందే. ఈ సెంటిమెంట్‌ను రిపీట్ చేస్తూ, ఈ పాటను కూడా అదే గాయకుడితో పాడించారు చిత్రబృందం.  ఈ చిత్రంలో సిద్దూకు జోడీగా అందాల అనుపమ పరమేశ్వరన్ హీరోయిన్‌గా నటిస్తుండడంతో ఈ చిత్రంపై ఇప్పటికే అభిమానుల అంచనాలు భారీగా ఉన్నాయి. మల్లిక్ రామ్ ఈ చిత్రానికి దర్శకత్వం వహిస్తున్నారు.