ఇక్కడ చెట్లకు పెన్షన్ ఇస్తున్నారో తెలుసా..!

మీరు వృద్ధులకు, వితంతువులకు, శారీరక వికలాంగులకు, ప్రభుత్వ ఉద్యోగులకు అందించే పెన్షన్ల గురించి వినే ఉంటారు. కానీ చెట్లకు కూడా పింఛన్లు అందుతున్నాయని మీకు తెలిస్తే ఖచ్చితంగా మీరు ఆశ్చర్యపోతారు. అయితే .. ఓ చోట మాత్రం వయసు పైబడిన పాత చెట్లకు కూడా పెన్షన్ ఇస్తున్నారు. ఇలా వృక్షాలకు పెన్షన్ ఇచ్చేది ఎక్కడో కాదు, మన భారతదేశంలోనే. హరియాణా ప్రభుత్వం ‘ప్రాణ్ వాయు దేవతా యోజన’ పేరుతో ఓ పథకాన్ని ప్రవేశపెట్టింది. పాత చెట్లను జాగ్రత్తగా చూసుకోవడం ఈ పథకం ప్రధాన ఉద్దేశం. దీన్ని 2021వ సంవత్సరంలో ప్రపంచ పర్యావరణ దినోత్సవం(జూన్ 5) సందర్భంగా ప్రారంభించారు. 75 ఏళ్లు నిండిన చెట్ల సంరక్షణ కోసం యజమానికి ఇలా సంవత్సరానికి రూ.2,750 పెన్షన్ రూపంలో ఇస్తున్నారు. ఆ డబ్బును ఆ చెట్టు సంరక్షణకు మాత్రమే వినియోగించాలి.