అంగారకుడిపై క్రేటర్స్ కు కేరళ పేర్లు

ఇంటర్నెట్ డెస్క్ : అంగారక గ్రహంపై చంద్రునిలో వలెనే చాలా క్రేటర్స్ ఉన్నాయి. వీటికి కేరళ రాష్ట్రంలోని నగరాల పేర్లను పెట్టడానికి నిర్ణయించారు. ఇంటర్నేషనల్ ఆస్ట్రోనామికల్ యూనియన్ ఈ నిర్ణయం తీసుకుంది. కేరళలోని పెరియార్, విలియామల, తుంబ, వర్కల, బెకల్ తదితర పట్టణాల పేర్లు ప్రతిపాదించారు.
అంగారకుడిలోని క్శాంతే టెర్రా ప్రాంతంలో 3.5 బిలియన్ సంవత్సరాల క్రితం నాటి బిలాలను కనిపెట్టారు. వీటికి మాత్రం భారత్ కు చెందిన భూ విజ్ఞాన శాస్త్రవేత్త ఎం ఎస్ కృష్ణన్ పేరు పెట్టాలంటూ కేరళ ఖగోళ పరిశోధకులు ప్రతిపాదించారు. కృష్ణన్ జియోలాజికల్ సర్వే ఆఫ్ ఇండియాకు తొలి డైరక్టర్ గా ఉన్నారు. మంచు, నీటి జాడలు కనిపించిన వాటికి కృష్ణన్ క్రేటర్, కృష్ణన్ పాలస్, పెరియార్ వల్లిస్ అని పిలుస్తారు. మిగిలిన వాటికి విలియామల, తుంబా, వర్కల, బెకల్, పెరియార్ (కేరళలో పొడవైన నది)గా వ్యవహరిస్తారు. గతేడాది మరో మూడు బిలాలను కనుగొన్నారు. ఒకదానికి ప్రఖ్యాత భౌతిక శాస్త్రవేత్త దేవేంద్రలాల్ పేరు పెట్టారు. మరో రెండిటికి ముర్సాన్, హిల్సా పట్టణాల పేర్లు పెట్టారు.