‘కాంతారా’ మూవీ సీక్వెల్‌పై క్లారిటీ
2022లో చిన్న చిత్రంగా వచ్చి ఆస్కార్ నామినేషన్ వరకూ పరుగులు పెట్టింది కన్నడ చిత్రం ‘కాంతారా’.దేశవ్యాప్తంగా ప్రేక్షకులను ఆకర్షించి పాన్ ఇండియా మూవీగా మారిపోయింది. కాంతారా చిత్ర హీరో ‘రిషబ్ షెట్టి’ స్వయంగా నిర్మించి, దర్శకత్వం వహించిన ఈ చిత్రం అందరినీ ఆకట్టుకుని వందలకోట్లు సంపాదించింది. దీనితో ఈ చిత్రానికి సీక్వెల్ కావాలంటున్నారు అభిమానులు. దీనితో వారి ఆశలను గమనించి, ‘కాంతారా 2’ ని నిర్మించాలనే నిర్ణయానికి వచ్చారు మేకర్స్. ఈ చిత్రం సీక్వెల్‌కు కథ లాక్ చేశారంటూ రూమర్స్ వినిపిస్తున్నాయి. వచ్చే జనవరిలో ఈచిత్రాన్ని విడుదల చేస్తారని చెపుతున్నారు. దీనిని ప్రీక్వెల్ అంటున్నారు. అంటే ‘కాంతారా 1’ కంటే ముందు కథ అయ్యింటుందని సమాచారం.
