చిలకలూరిపేట బైపాస్ లో ఘోర రోడ్డు ప్రమాదం…ఐదుగురు యువకుల దుర్మరణం

పల్నాడు జిల్లాలో గురువారం సాయంత్రం ఘోర రోడ్డు ప్రమాదం జరిగింది. నాదెండ్ల మండలం గణపవరం వద్ద నూతన బైపాస్‌ రోడ్డుపై ముందు వెళ్తున్న లారీని వెనుక నుంచి కారు ఢీకొట్టింది. ఈ ప్రమాదంలో కారులో ఉన్న ఐదుగురు విద్యార్థులు అక్కడికక్కడే మృతి చెందగా, మరో వ్యక్తి తీవ్ర గాయాలపాలయ్యాడు . వీరంతా ప్రకాశం జిల్లాకు చెందిన వారీగా ప్రాథమిక సమాచారం తెలిసింది . మృతులందరూ అయ్యప్పమాలధారణలో ఉన్న విజ్ఞాన్‌ కాలేజీ విద్యార్థులుగా గుర్తించారు.పల్నాడు జిల్లాలో జరిగిన ఘోర రోడ్డు ప్రమాదంపై ఏపీ మంత్రులు గొట్టిపాటి రవికుమార్‌, మండిపల్లి రాంప్రసాద్‌రెడ్డి దిగ్భ్రాంతి వ్యక్తం చేశారు.