పార్టీ మారండి, లేదంటే అరెస్ట్ చేస్తాం… బీజేపీపై ఆప్ మంత్రి సంచలన వ్యాఖ్యలు
వచ్చే రెండు నెలల్లో తనతోపాటు ఢిల్లీ మంత్రులు సౌరభ్ భరద్వాజ్, ఆప్ ఎంపీ రాఘవచద్దా, ఎమ్మెల్యే దుర్గేష్ పాఠక్‌ను అరెస్టు చేయాలని బీజేపీ చూస్తోందని ఢిల్లీ మంత్రి అతిషి సంచలన ఆరోపణలు చేశారు. ఆమ్ ఆద్మీ పార్టీని నిర్వీర్యం చేయాలన్న లక్ష్యంతో బీజేపీ పనిచేస్తోందని ఆమె చెప్పారు. పార్టీ మారకుంటే తనను నెల రోజుల్లోగా ఈడీ అరెస్ట్ చేస్తోందని ఆమె చెప్పారు. ఆమ్ ఆద్మీ పార్టీలో ఉన్న ప్రతి ఒక్కరిని నయానో భయానో బెదిరించాలని చూస్తోందని ఆమె తెలిపారు. మొదట, వారు AAP నాయకత్వంలోని ప్రతి ఒక్కరినీ జైలులో పెట్టారు. సత్యేంద్ర జైన్, మనీష్ సిసోడియా, సంజయ్ సింగ్ మరియు ఇప్పుడు ముఖ్యమంత్రి అరవింద్ కేజ్రీవాల్ అరెస్ట్ అయ్యారు. మరో రెండు నెలల్లో మరో నలుగురు ఆప్ నేతలను అరెస్ట్ చేయాలన్నది బీజేపీ ప్లాన్. నన్ను, సౌరభ్ భరద్వాజ్, దుర్గేష్ పాఠక్‌, రాఘవ్‌ చద్దాను అరెస్టు చేస్తారు’’ అని ఆమె అన్నారు.
అరవింద్ కేజ్రీవాల్ అరెస్ట్ తర్వాత పార్టీ చీలిపోతుందని బీజేపీ భావించిందని ఎమ్మెల్యే అతిషి అన్నారు. అయితే ఆదివారం రాంలీలా మైదాన్‌లో జరిగిన ర్యాలీ తర్వాత నలుగురు నేతల అరెస్టు సరిపోదని బీజేపీ భావిస్తోందని ఆమె అన్నారు. రానున్న రోజుల్లో తనపై, బంధువుల ఇళ్లపై ఈడీ దాడులు చేయవచ్చని తమకు సమాచారం అందిందని ఢిల్లీ మంత్రి పేర్కొన్నారు. “మేము అరవింద్ కేజ్రీవాల్ సైనికులం, బిజెపి బెదిరింపులకు భయపడము.” అని ఆమె అన్నారు. “ఈ సమాచారం ఇప్పటికే ED, CBI ఛార్జిషీట్లలో ఉంది. ED మా పేర్లను తీసుకునే అవకాశం ఉంది. తద్వారా వారు AAP నాయకత్వంలోని రెండో శ్రేణిని అరెస్టు చేయడాన్ని కొనసాగించవచ్చు” అని ఆమె అన్నారు.
ఆప్ నేత చేసిన ఆరోపణలను నిరాధారమైనవిగా బీజేపీ అభివర్ణించింది. పార్టీ నాయకుడు ఆర్‌పి సింగ్ మాట్లాడుతూ, “సౌరభ్ భరద్వాజ్ నాకు ఫోన్ చేసి, తమను కటకటాల వెనక్కి నెట్టి, సునీతా కేజ్రీవాల్‌ను ముఖ్యమంత్రిని చేయాలనుకుంటున్న అరవింద్ కేజ్రీవాల్ నుండి తమను రక్షించమని నన్ను అభ్యర్థించారని నేను కూడా చెప్పగలను, ఇది వారి అంతర్గత గొడవ, వివిధ రూపాల్లో ఇది మళ్లీ మళ్లీ బయటకు వస్తుంది.” అని అన్నారు.
