కేరళలో పుష్ప విలన్‌పై కేసు నమోదు
ప్రముఖ మళయాళ నటుడు,పుష్ప విలన్ ఫహాద్ ఫాజిల్‌పై కేరళలో కేసు నమోదైనట్లు తెలుస్తోంది. కాగా ఆయన సొంత ప్రొడక్షన్‌లో నటిస్తోన్న సినిమా “పెయిన్కిలీ” షూటింగ్‌ను ఎర్నాకులం ప్రభుత్వాస్పత్రిలోని ఎమర్జెన్సీ వార్డులో చిత్రీకరించారు. అయితే ఆ సమయంలో అందులోకి వెళ్లేందుకు రోగులను అనుమతించేదు. దీంతో అక్కడి రోగులు తీవ్ర ఇబ్బందులు ఎదుర్కొన్నట్లు సమాచారం. కాగా ఈ విషయాన్ని కేరళ మానవ హక్కుల సంఘం సుమోటాగా తీసుకుని..నిర్మాత ఫహాద్ ఫాజిల్‌పై కేసు నమోదు చేసింది. అయితే ఫహాద్ ఫాజిల్ అల్లు అర్జున్ హీరోగా తెరకెక్కిన “పుష్ప” సినిమాలో విలన్‌గా నటించి తెలుగులోను మంచి గుర్తింపు తెచ్చుకున్న విషయం తెలిసిందే.
