‘చుట్టమల్లే’.. పాట పాడిన బ్రిటిష్ పాప్ సింగర్

బ్రిటిష్ పాప్ సింగర్ ఎడ్వర్డ్ క్రిస్టోఫర్ షీరాన్ తాజాగా బెంగళూరులోని తొలి ప్రదర్శనలో ‘దేవర’ చిత్రంలోని ‘చుట్టమల్లే’ పాటను పాడారు. బ్రిటిష్ సింగర్ నోట తెలుగు పాట రావడంతో ఎన్టీఆర్ ఫ్యాన్స్ ఖుషీ అయ్యారు. ఈ పాట సోషల్ మీడియాలో వైరల్ కావడంతో ఎన్టీఆర్ స్పందించారు. ‘మీ గొంతులో ఈ పాట వినడం చాలా సంతోషంగా ఉంది. సంగీతానికి హద్దులు ఉండవు. మీరు ఈ విషయాన్ని మరోమారు నిరూపించారు. ఇది నిజంగా ప్రత్యేకమైనది’. అంటూ పాప్ సింగర్‌కు ధన్యవాదాలు తెలిపారు. ఆరేళ్ల అనంతరం ఎన్టీఆర్ సోలో హీరోగా రిలీజ్‌గా ప్రేక్షకుల ముందుకు వచ్చిన ఈ దేవర చిత్రం సూపర్ హిట్‌గా నిలిచింది. బాలీవుడ్ బ్యూటీ జాన్వీ కపూర్, యంగ్ టైగర్‌లు నటించిన  చుట్టమల్లే పాట సోషల్ మీడియాను షేక్ చేసేసింది.