ఏపీ సీఎంతో భేటీ కానున్న BPCL ప్రతినిధులు

ఏపీ సీఎం చంద్రబాబు నాయుడుతో BPCL ప్రతినిధులు మరి కాసేపట్లో భేటీ కానున్నట్లు తెలుస్తోంది. కాగా మచిలీపట్నంలో రిఫైనరీ ఏర్పాటుకు BPCL సముఖంగా ఉందని ఎంపీ బాలశౌరి వెల్లడించిన విషయం తెలిసిందే. ఈ నేపథ్యంలో BPCL ప్రతినిధులు రాష్ట్రానికి వచ్చినట్లు సమాచారం. కాగా వారు ప్రస్తుతం విజయవాడ దుర్గమ్మను దర్శించుకుంటున్నారు. అయితే మరి కాసేపట్లోనే వారు సీఎం చంద్రబాబుతో సమావేశం కానున్నారు. BPCL రూ.60 వేల కోట్ల పెట్టుబడితో మచిలీపట్నంలో రిఫైనరీ ఏర్పాటు చేయనుంది. కాగా ఈ రిఫైనరీ ఏర్పాటుకు ఏపీ ప్రభుత్వం 2-3 ఎకరాల భూమిని ఇచ్చేందుకు సిద్ధమవుతున్నట్లు తెలుస్తోంది. అయితే దీని ద్వారా ఏపీలో 25వేలమందికి ఉపాధి లభించే అవకాశం ఉందని ప్రభుత్వ వర్గాలు స్పష్టం చేశాయి.