డ్రైవర్ కు బీపీ డౌన్.. చెట్లపొదల్లోకి దూసుకెళ్లిన ఆర్టీసీ బస్సు

ఆర్టీసీ బస్సు నడుపుతున్న డ్రైవర్ కు ఒక్కసారిగా బీపీ డౌన్ అయింది. దీంతో అతడు బస్సుపై నియంత్రణ కోల్పోగా బస్సు అదుపుతప్పి రోడ్డు పక్కన చెట్లపొదల్లోకి దూసుకెళ్లింది. ఈ ఘటన నిజామాబాద్ నగరంలోని బైపాస్ రోడ్డులో ఇవాళ ఉదయం చోటు చేసుకుంది. ప్రమాద సమయంలో బస్సులో 25 మంది ఉండగా ముగ్గురికి స్వల్ప గాయాలయ్యాయి. బస్సు పాక్షికంగా ధ్వంసం అయింది. స్థానికులు బస్సులోని ప్రయాణికులను క్షేమంగా బయటకు తీశారు.