185 సినిమా కథలు విని.. చేసింది ఏడు సినిమాలే…
సంతోష్ దర్శకత్వంలో విశ్వంత్ దుడ్డుంపూడి , మాళవిక సతీషన్ జంటగా సంతోష్ కంభంపాటి దర్శకత్వంలో రూపొందించిన సినిమా ‘బాయ్‌ఫ్రెండ్ ఫర్ హైర్’. ఈ చిత్రం ఈ నెల 14న ప్రేక్షకుల ముందుకు రానుంది. ఈ సందర్భంగా విశ్వంత్ మాట్లాడుతూ ‘బాయ్‌ఫ్రెండ్ ఫర్ హైర్’ మంచి లవ్ అండ్ ఎమోషనల్ స్టోరీ. అమ్మాయిలకు దూరంగా ఉండాలనుకునే ఓ వ్యక్తి ప్రేమలో ఎలా పడ్డాడు? అతను అసలు అమ్మాయిలకు ఎందుకు దూరంగా ఉండాలి అనుకున్నాడు అన్నదే సినిమా సారాంశమని చెప్పారు. అలాగే “తాను ఇప్పటివరకు 185 కథలు విన్నట్టు , కానీ ఏడు సినిమాలే చేశానని తెలిపారు. కేవలం డబ్బే కాదు..గౌరవప్రదమైన సినిమాలూ చేయాలని అనుకుంటాను” అన్నారు. ప్రస్తుతం తాను ఒక్కడినే ఫైట్స్ , డ్యాన్స్ చేసే తరహా సినిమాలకు దూరంగా ఉంటున్నానని…కానీ హిందీలో రణ్‌బీర్ కపూర్ చేసిన రాక్‌స్టార్ లాంటి సినిమా వస్తే తప్పక చేస్తానని అన్నారు. కాగా రామ్‌చరణ్ , దర్శకుడు శంకర్ కాంబినేషన్‌లో వస్తున్న సినిమాలో తాను ఓ కీ రోల్‌నూ ప్లే చేయనున్నట్టు తెలిపాడు. అదే విధంగా ‘నమో’ , ‘కాదల్’ , ‘తారాతీరం’ అనే సినిమాలు చేస్తున్నాను” అన్నారు.
