మేకపోతుకు జన్మదిన వేడుకలు

అనంతపురం జిల్లాలో వింత ఘటన జరిగింది. కళ్యాణదుర్గం మండలం బోయలపల్లి గ్రామంలో చాకలి వెంకటేశులు, పద్మావతి దంపతులు పెంచుకుంటున్న మేకపోతుకు మూడో జన్మదిన వేడుకలు జరిపారు. మేకపోతుకు తన తండ్రి సుంకన్న పేరు పెట్టారు. ఈ వేడుకకు ఫ్లెక్సీలు, విద్యుత్ లైట్లు ఏర్పాటు చేసి ఘనంగా కేక్ కట్ చేసి సంబరాలు చేసుకున్నారు. సుమారు 50 మందికి భోజన ఏర్పాట్లు చేశారు. వేడుకల నిమిత్తం మొత్తం రూ.12,000 వరకు ఖర్చు చేసినట్లు కుటుంబం తెలిపింది. ప్రస్తుతం ఈ వీడియో సోషల్ మీడియాలో తెగ వైరల్ అవుతోంది.