కానిస్టేబుల్ పై బీర్ బాటిల్‌తో దాడి చేసిన బైక్ రేసర్..
హైదరాబాద్ బంజారాహిల్స్ లో బైక్ రేసర్ బీర్ బాటిల్ తో కానిస్టేబుల్ పై దాడి చేసిన ఘటన కలకలం రేపింది. టోలిచౌకి నుండి వేగంగా వస్తున్న అనే బైక్ రేసర్ ఓ కారును ఢీకొట్టాడు. ఈ ఘటన బంజారాహిల్స్ ఒమేగా హాస్పిటల్స్ రోడ్డులో చోటు చేసుకుంది. ప్రమాదం అనంతరం కారు డ్రైవర్, ఖాజా మధ్య వాగ్వాదం తలెత్తింది. అప్పుడే కానిస్టేబుల్ శ్రీకాంత్ బంజారాహిల్స్ పీఎస్ లో విధుల కోసం వెళ్తున్నారు. ఈ ఘర్షణను గమనించిన కానిస్టేబుల్ శ్రీకాంత్ వారిని శాంతింపజేయడానికి ప్రయత్నించాడు. అయితే.. ఈ క్రమంలో ఖాజా పక్కనే ఉన్న బీర్ బాటిల్ తో కానిస్టేబుల్ శ్రీకాంత్ పై దాడి చేశాడు. దీంతో కానిస్టేబుల్ శ్రీకాంత్ గాయాలయ్యాయి. శ్రీకాంత్ ఫిర్యాదు మేరకు బంజరాహిల్స్ పోలీసులు కేసు నమోదు చేశారు. అనంతరం శ్రీకాంత్ ను ఆసుపత్రికి తరలించారు. పోలీసులు దర్యాప్తు చేపట్టి ఖాజాపై కఠిన చర్యలు తీసుకునే అవకాశం కనిపిస్తోంది.
