సీఎం సహాయ నిధికి బ్యాంక్ ఆఫ్ బరోడా విరాళం
ఇటీవల రాష్ట్రంలో భారీ వర్షాలు, వరదల కారణంగా తీవ్ర నష్టం వాటిల్లగా ముఖ్యమంత్రి సహాయ నిధికి తమ వంతు సాయంగా పలువురు ప్రముఖలు విరాళాలు ప్రకటించిన సంగతి తెలిసిందే. ఈ క్రమంలో తాజాగా బ్యాంక్ ఆఫ్ బరోడా రూ. కోటి విరాళం ప్రకటించింది. ఈ మేరకు జూబ్లీహిల్స్ నివాసంలో సీఎం రేవంత్ రెడ్డిని బీఓబీ జీఎం రితేశ్ కుమార్, డీజీఎం ఎంవీఎస్ సుధాకర్ కలిసి కోటి రూపాయల చెక్కును అందజేశారు. ఈ సందర్భంగా వారిని సీఎం అభినందించారు.
