రికార్డు ధ‌ర ప‌లికిన బంగిన‌ప‌ల్లి మామిడి

బంగినపల్లి మామిడి రికార్డు ధర పలికింది. టన్ను బంగినపల్లి మామిడికి రూ.1.22 లక్షలు చెల్లించారు. ఇంతకీ ఎక్కడో తెలుసా? వరంగల్​ ఎనుమాముల ముసలమ్మకుంటలో ప్రారంభమైన నూతన మామిడి మార్కెట్​లో ఈ ధర పలికింది. మంత్రి కొండా సురేఖ, స్థానిక ఎమ్మెల్యే కేఆర్​ నాగరాజు, జిల్లా కలెక్టర్​ డా.సత్యశారద సమక్షంలో మార్కెట్​లో తొలిసారిగా మామిడి వేలం పాట నిర్వహించారు.ఈ వేలం పాటలో వ్యాపారులు పెద్దఎత్తున పాల్గొన్నారు. మహబూబాబాద్​ జిల్లా మరిపెడ మండలం చిల్లంచర్లకు చెందిన విజయపాల్​ రెడ్డి తీసుకొచ్చిన బంగినపల్లి మామిడికి టన్ను రూ.1.22 లక్షలు చెల్లించి కొనుగోలు చేశారు. మార్కెట్​ చరిత్రలో మామిడికి ఈ స్థాయి ధర పలకడం ఇదే తొలిసారని అధికారులు హర్షం వ్యక్తం చేశారు.