వరుస విజయాలతో సినిమాలకు ఓకే చెబుతున్న బాలకృష్ణ

బాలకృష్ణ వరుస విజయాలతో సక్సెస్ బాట పట్టారు. అఖండ, వీరసింహా రెడ్డి, భగవంత్‌ కేసరి సినిమాలతో వరుస హిట్లను సొంతం చేసుకున్నారాయన. ఇదే ఉత్సాహంతో వరుస చిత్రాలకు ఓకే చేస్తున్నారు. ప్రస్తుతం బాబీ దర్శకత్వంలో ఆయన ఓ సినిమాలో నటిస్తున్న విషయం తెలిసిందే. బాలకృష్ణ 109వ చిత్రమిది. షూటింగ్‌ దశలో ఉంది. వచ్చే ఏడాది జనవరిలో విడుదల చేసేందుకు సన్నాహాలు జరగుతున్నాయి. ఈ సినిమా అనంతరం బోయపాటి శ్రీను దర్శకత్వంలో ‘అఖండ’ సీక్వెల్‌లో నటించనున్నారు బాలకృష్ణ. ప్రస్తుతం ‘అఖండ-2’కు సంబంధించిన స్క్రిప్ట్‌ వర్క్‌ కంప్లీట్ చేసినట్లు తెలిసింది. త్వరలో షూటింగ్‌ ప్రారంభించేందుకు సన్నాహాలు చేస్తున్నారని సమాచారం. ఈలోగా బాలకృష్ణ మరో చిత్రానికి గ్రీన్‌సిగ్నల్‌ ఇచ్చారని తెలిసింది. ‘వీరసింహారెడ్డి’ వంటి బ్లాక్‌బస్టర్‌ హిట్‌ను అందించిన గోపీచంద్‌ మలినేని దర్శకత్వంలో బాలకృష్ణ ఓ చిత్రానికి ఓకే చెప్పినట్లు తెలిసింది. అగ్ర నిర్మాణ సంస్థ తెరకెక్కించనున్న ఈ సినిమా వచ్చే ఏడాది వేసవిలో పట్టాలెక్కనుందని ఫిల్మ్‌నగర్‌ నుండి వచ్చిన సమాచారం.